Спорт
Биното го призна поразот: Да се подготвиме за следната сезона
Матијас Биното, првиот човек на Ферари, годинава е нај критикуваниот лик во Формула 1 шампионатот. Навивачите на италијанскиот тим се согласни дека тој е главниот виновник за се она што му се случува на Ферари оваа сезона.
Единствено е мислењето на стручњаците и навивачите дека Ферари направи голем број грешки, особено во стратегијата, што го чинеше борбата со Ред Бул за титулата и кај возачите и кај конструкторите.
Самиот Биното има поинаква перцепција за досегашниот тек на сезоната.
„Секако дека секогаш сакаме да се подобруваме и да учиме од грешките. Сепак, оваа година луѓето ни припишуваат повеќе грешки отколку што всушност правиме. Луѓето немаат јасен увид за се она што се случува на патеката“, истакна Биното.
Во моментов во шампионатот, Макс Верстапен има 98 бодови повеќе од Шарл Леклер, кој е трет зад вториот возач на Ред Бул, Серхио Перез, додека во конкуренција на конструктори Ред Бул имаат 118 бодови повеќе од Ферари.
„Разликата меѓу нас не е толку голема колку што покажуваат бодовите. Важно е да ги препознаеме нашите слабости, да ја завршиме оваа сезона на најдобар можен начин и да се подготвиме за следната. Болидите во 2023 година ќе бидат горе-долу исти како и оваа сезона“, рече Биното.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Белгија ја запиша првата победа на ЕП
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.