Спорт
Кукоч тврди дека му украле 11 милиони долари
Тони Кукоч ја тужеше EFP International, поранешна Banca Svizzeria Italiana (BSI). Тој тврди дека швајцарска банка заедно со неговиот финансиски советник му украле голема сума пари во 2004 година.
Од 1991 до 2004 година со финансиските работи на Кукоч раководел Паоло Банфи со кој дотогаш немал никакви проблеми. Кукоч во тужбата наведува дека Банфи во 2004 година почнал да му ги краде парите. Соочуесник на Банфи му бил личниот банкар на славниот кошаркар, Паоло Ѕола.
Кукоч ги обвинува дека го фалсификувале неговиот потпис на документи за хипотека за хотел во Лугано.
„Документите покажуваат дека Тони Кукоч ги потпишал документите за хипотека во Лугано, Швајцарија, во декември 2006 година. Меѓутоа, Кукоч во тоа време не бил во Швајцарија и никогаш не ги потпишал документите“, се наведува во тужбата.
Хипотеката на хотелот е околу 7,5 милиони долари, а Кукоч ги обвинува дека во повеќе од 300 трансакции му украле вкупно 11 милиони долари.
Кукоч до сега се обидуваше да добие сатисфакција во швајцарските судови, но не успеа. Јасно е и зошто. Швајцарските банки брилијантно соработуваат со тамошното правосудство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо: Не бркам рекорди, тие ме бркаат мене
Португалскиот фудбалер Кристијано Роналдо успеа да собори два рекорди во Саудиска Арабија.
Тој постигна два гола за Ал Наср против Ал Итихад. Сезоната ја заврши 35 гола, што никогаш никој не го постигна во саудиската лига.
Исто така, Роналдо стана единствениот играч кој бил најдобар стрелец во четири различни национални шампионати.
Роналдо тоа го направи прво во Премиер лигата, како играч на Манчестер јунајтед, потоа во Ла Лига како член на Реал Мадрид, а исто така и во Серија А со Јувентус.
Откако го собори рекордот, се огласи на социјалната мрежа „X“, пораешен „Твитер“.
„Јас не бркам рекордите, тие ме бркаат мене“.
Ал Наср сезоната ја заврши на второто место, со шест бода помалку од шампионот Ал Хилал.
Спорт
Капитенот на Џирона ќе биде првото засилување за Баер Леверкузен
Баер Леверкузен во голем стил, без пораз, ја освои двојната круна во Германија. чаби Алонсо, реши да остане во Леверкузен во наредната сезона и според германските медиуми го договорил првото засилување. Нов член на Баер ќе стане капитенот на Џирона, Алеиш Гарсија.
Шпанецот оваа сезона експлодираше и беше еден од предводниците на тимот кој обезбеди историски пласман во Лигата на шампионите.
Гарсија беше поврзуван и со Барса, но Чаби Алонсо ја искористи нерешителноста на Каталонците.
Алонсо, лично побарал од клупските челници да го доведат 26-годишниот играч за врска, кој е по негов вкус, бидејќи игра во двата правци.
Отштетата нема да надмине 20 милиони евра.
Алеиш Гарсија оваа сезона одигра 40 натпревари, постигна три гола и забележа шест асистенции.
Инаку, Алеиш Гарсија пристигна во Џирона во летото 2021 година како слободен играч од Еибар. Помина низ академијата на Манчестер сити, а играше во Џирона на почтокот на кариерата на позајмица. Подоцна замина на позајмица во Мускрон и Динамо Букурешт.
Спорт
Терзиќ: Во еден натпревар можеме да го победиме Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли.
Един Терзиќ, тренерот на клубот од Дортмунд кој го освои петтото место во Бундес лигата, верува дека можат да го победат Реал.
„Ќе се соочиме со исклучително силен тим кој често игра вакви финалиња, но знаеме дека се е можно во еден натпревар“, изјави Терзиќ за интернет страницата на УЕФА.
„Да играме десет пати со Реал Мадрид, веројатно ќе беше тешко да дојдеме до вкупна победа, но на еден натпревар, во текот на 90 или 120 минути или пенали, можеме да го победиме секој противник во светот“, додаде Терзиќ.
Реал е фаворит во Лондон, во сабота ќе го игра шесто финале во Лигата на шампионите во последните десет години.
Терзиќ, кој го води жолто-црниот тим од летото 2022 година, повтори дека сезонава веќе успеале да ги победат Њукасл, Милан, ПСВ, Атлетико Мадрид и ПСЖ.
„Од натпревар во натпревар ни беше се потешко, а сега кога стигнавме до тука сакаме да го направиме и овој последен чекор“, истакна Терзиќ.
Терзиќ признава дека му недостига искуството што го има неговиот ривал Карло Анчелоти (64). Италијанецот четири пати ја освојувал Лигата на шампиони.
„Иако сум тренер половина од мојот живот, сепак сум млад во оваа работа“, изјави Терзиќ, кој е три години постар од Лука Модриќ од Реал. Ова е негово прво финале во Лигата на шампионите.
Терзиќ е убеден дека Борусија може да стане европски првак доколку неговиот тим покаже „оптимизам, заедништво, борбеност и храброст“.