Македонија
(Видео) Лазаревска: СДСМ се грижи за образованието, платите на наставниците поголеми 36 отсто во однос на 2017 година
Институциите предводени од СДСМ во изминатите пет години сериозно вложуваат во унапредување на образованието како во човечкиот капитал така и во подобри услови за одржување на наставниот процес. Септемвриската плата за речиси 32.500 вработени во основното и средното образование, од кои 25.000 наставници, ќе биде повисока 15 проценти. Работиме на достоинствено вреднување на трудот на наставниците. Со досегашните покачувања на платите од 21 процент, сега вработените во основното и средното образование ќе имаат плати поголеми 36 отсто во однос на 2017 година, истакна на денешната прес-конференција Жаклина Лазаревска, пратеничка на СДСМ.
Напомена дека, освен во платите, нејзината партија инвестира и во инфраструктурата во образованието, каде што за помалку од пет години, реконструирани и изградени се над 80 основни и средни училишта. Според неа, значително е зголемен бројот на образовни асистенти финансирани од буџетот на МОН, кои ќе работат со ученици со атипичен развој вклучени во редовната настава – од 500 лани, нивниот број оваа учебна година ќе биде 720. Инвестираме и во ученичкиот и студентскиот стандард за да имаме помотивирани ученици и студенти,.
„Ученичките стипендии, кои изнесуваа од 2.200 до 2.700 денари, ги зголемивме и ги израмнивме на 3.500 денари, со кои се опфаќаат околу 3.100 ученици. Оваа учебна година е зголемен бројот на дуални паралелки за унапредување на средното стручно образование – од 97 минатата година, сега се 200, со опфатени 2.700 ученици. Во овој проект минатата година биле вклучени 250 компании, а годинава нивниот број се искачи на 400“, нагласи Лазаревска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јаневска – Рокас: соработката со Европската унија е од суштинско значење за реализација на планираните образовни промени
Министерката за образование и наука Весна Јаневска денеска оствари средба со новоакредитираниот амбасадор на Делегацијата на Европската унија, Михалис Рокас.
Посакувајќи му успешен мандат, Јаневска се заблагодари на амбасадорот Рокас за континуираната поддршка на ЕУ во процесот на реформирање на националниот образовен систем.
На средбата, таа ги претстави тековните активности и планот за поквалитетно образование на сите нивоа.
„Стремежот за полноправно членство во Европската Унија продолжува да биде важен општествен стимул и значаен фактор на кохезија за македонските граѓани, кои пак, од нас како Влада очекуваат современо и модерно образование. Истрајни сме во определбата да ги реализираме промените кои ги претставивме на почетокот на нашиот мандат. Оптимизам и решителност постои, а соработката со Европската унија е од суштинско значење за остварување на зацртаната цел, рече Јаневска на средбата.
Евроамбасадорот укажа на подготвеноста на ЕУ и понатаму да биде посветен партнер на државата во градењето современ образовен систем, кој ќе образува европски граѓани.
Македонија
Сиљановска Давкова – Гутереш: Не смее да се дозволи, билатерализацијата во случајот со македонската евроинтеграција да стане камен на сопнување за проширувањето
Претседателката Гордана Сиљановска Давкова, во рамки на учеството на 79. Генерално Собрание на Обединетите Нации во Њујорк оствари средба со Генералниот секретар на Обединетите Нации, Антонио Гутереш.
На средбата претседателката ги потенцираше принципите на светската организација како основа на којашто мора да функционира меѓународниот поредок, без разлика дали се работи за мали или големи држави. Таа на својот соговорник му посочи дека во случајот со македонската евроинтеграција не смее да се дозволи билатерализацијата да стане камен на сопнување за проширувањето на Европската Унија, која е настаната како мировен процес.
Генералниот секретар на ОН, Гутереш, на средбата искажа лутина поради пречките коишто Северна Македонија ги има на патот кон Европската Унија. Порачувајќи дека е голем почитувач на македонската евроинтеграција, во разговорот тој ја потенцираше својата лична солидарност за напорите на земјата да биде дел од ЕУ.
Генералниот секретар како добар познавач на процесите на евроинтеграција и состојбата во регионот на Западен Балкан, нагласи дека македонската евроинтеграција, целосно заслужено, треба да се случи колку што е можно побрзо.
Македонија
Забрана за движење на одредена категорија моторни возила на патот А3, Ресен – Охрид
Од АМСМ информираат дека во одреден временски период од денот на патот Ресен – Охрид ќе има забрана за движење на одреден вид на возила.
Имено во времето од 17:15ч. на магистралниот пат А3, Ресен – Охрид, ќе има забрана за движење на одредена категорија моторни возила, односно влекачи со полуприколка и ТМВ со приклучни возила, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.