Спорт
Дубравка на позајмица во Манчестер јунајтед, Вилијан потпиша за Фулам
Бразилскиот ветеран Вилијан комплетираше шокантно враќање во Премиер лигата, потпишувајќи едногодишен договор со Фулам откако го раскина договорот со Коринтијанс. Поранешниот фудбалер на Челси и Арсенал си замина од Лондон во август 2021 да се врати во својата татковина, откако играше во Премиер лигата од 2013 година.
„Среќен сум што се вратив во Премиер лигата. Фулам е посебен клуб, клуб кој сака да се подобрува, да се бори за големи работи и тука сум да помогнам“, изјави Вилијан.
Манчестер јунајтед, пак, потврди дека го добива 33-годишниот голман Мартин Дубравка на едногодишна позајмица од Њукасл. „Ѓаволите“ платија 2 милиони фунти на ривалите и Словакот ќе се биде замена за Давид де Хеа, кој беше под критики на навивачите оваа сезона.
„Да се приклучиш на Манчестер јунајтед е посебен момент во мојата кариера и едвај чекам да почнам“, изјави Дубравка, кој е во Њукасл од 2018 година по трансферот од Спарта Прага, и има над 130 настапи за англискиот клуб.
Olá, Willian! ????????#WillcomeToSW6 ???? | #FFC pic.twitter.com/723o1GwOAe
— Fulham Football Club (@FulhamFC) September 1, 2022
???? A new face in new surroundings.#MUFC || @HecoDubravka pic.twitter.com/je7W8NPq99
— Manchester United (@ManUtd) September 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.