Спорт
Германија ќе им плати 28 милиони евра на семејствата на олимпијците убиени во Минхен во 1972 година
Германската влада потврди дека семејствата на 11 израелски спортисти убиени од палестинските напаѓачи на Олимпијадата во Минхен во 1972 година ќе добијат отштета од 28 милиони евра.
Израелскиот претседател Исак Херцог ќе му се придружи на германскиот претседател Франк-Валтер Штајнмаер в понеделник на комеморацијата на жртвите од нападот.
Благодарение на тој договор, постигнат во последен момент, на комеморацијата ќе присуствуваат 70-ина роднини на жртвите, изјави за францускиот печат Анки Спицер, чиј сопруг Андре Спицер беше убиен во нападот.
Израелскиот олимписки комитет посебно го потврди присуството на делегацијата од Израел.
До неодамна долго планираната комеморација се закануваше да се претвори во фијаско поради спорот меѓу роднините и германската држава за финансискиот надомест за страдањата на семејствата на жртвите.
Во средата, сепак, беше објавено „историско разјаснување, признавање и компензација“ бидејќи Германија понуди 28 милиони долари како компензација, шест пати повеќе од првично предвидените.
Со договор Германија ги признава својата „одговорност и ужасните страдања на убиените и нивните роднини“, се вели во соопштението на Штајнмаер и Херцог додавајќи дека не може да се залечат сите рани.
Ожалените семејства исто така се надеваат дека на комеморацијата во воздухопловната база „Фуерстенфелдбрук“, западно од Минхен, каде што земањето заложници дојде до трагичен крај, Штајнмер ќе стане првиот германски претседател кој јавно ќе ја преземе одговорноста за неуспесите што доведоа до масакрот.
Одржана три децении по холокаустот, Олимпијадата во Минхен требаше да покаже нова Германија, а наместо тоа, се создаде длабок јаз во односите со Израел.
На 5 септември 1972 година осум вооружени члена на палестинската екстремистичка организација „Црн септември“ упаднаа во станот на израелскиот тим во Олимпиското село, убија двајца, а потоа зедоа девет заложници.
Поранешниот германски ракометар Клаус Лангхоф видел што се случува од балконот спроти станот во кој се наоѓал израелскиот тим.
Тој ги опиша ужасните моменти кога напаѓачите го извадиле безживотното тело на тренерот за борење Моше Вајнберг и го оставиле на улица. Западногерманската полиција не успеа да ги спаси заложниците.
Тие беа убиени во размена на оган. Убиени се и пет напаѓачи и еден полицаец.
Тогашниот канцелар на Германија, Вили Брант, целата серија настани ја означи како „шокантни докази за германската неспособност“ и формира тим командоси во рок од еден месец.
Меѓутоа, само неколку недели подоцна тројцата напаѓачи, кои беа фатени, беа ослободени во замена кога терористите киднапираа авион на „Луфтханза“ во октомври 1972 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Се продава најстариот фудбалски клуб во Италија
Фудбалскиот клуб Џенова е ставен на продажба, објави извршниот директор Андрес Бласкез.
Членот на Серија А е во сопственост на американски инвеститори (групата 777 Пантерс), тие го купија клубот пред три години и го вратија во елитните редови по испаѓањето во Серија Б.
Бласкез не можеше да им вети на навивачите дека нема да има продажба на играчи, но тврди дека клубот ќе остане финансиски стабилен и покрај промената на сопственичката структура.
Џенова е основана во 1893 година и е најстариот клуб во Италија кој сè уште постои. Во текот на нивната долга историја девет пати биле шампиони, а последен пат пред точно 100 години.
Сезонава под палката на Алберто Џилардин се на 17. место во Серија А.
Спорт
Евра: Мбапе се уште не е на нивото на Бензема
Селекторот на Франција Дидие Дешамп не го повика Килијан Мбапе (25) за натпреварите од Лигата на нации против Израел на 10 октомври и Белгија на 14 октомври. Дешам изјави дека не сака да ризикува со напаѓачот на Реал Мадрид, кој во последно време има проблеми со повреди.
Пензионираниот француски дефанзивец Патрис Евра (43) го коментираше изоставувањето на Мбапе од списокот на репрезентативци во програмата на радио Монте Карло.
„Не е само Дешам, туку цела Франција му даде премногу на Мбапе. Сите го претворивте во легенда. Со сета почит што ја имам кон Мбапе, тој се уште не е на нивото на Карим Бензема“, смета Евра, кој забележа 81 настап за Франција, а освои 20 трофеи со Манчестер јунајтед и Јувентус.
Покрај тоа што играше за Монако, ПСЖ и Реал, Мбапе одигра одлични партии и за националниот тим. Тој има постигнато 48 гола на 86 настапи и го освои Светското првенство во 2018 година, Лигата на нации во 2021 година и играше во финалето на Светското првенство во 2022 година.
„Ако го повикате Мбапе и тој се повреди, ќе ги расипете односите со Флорентино Перез. Реал не е ПСЖ, не можете да ризикувате“, заклучи Евра.
Да потсетиме, Антоан Гризман, напаѓачот на Атлетико Мадрид и еден од најдобрите француски фудбалери стави крај на репрезентативната кариера.
Спорт
Инзаги го откачил Манчестер јунајтед
Тренерот на Интер, Симоне Инзаги, нема намера да го напушти клубот и да се пресели во Манчестер јунајтед, објавија италијанските медиуми.
Навосно луѓе од Манчестер јунајтед го контактирале Инзаги кој експресно добил било какви разговори. Тренеот кој минатата сезона на Интер му ја донесе 20.титула во Серија А има цврст договор со клубот.
Инаку, Јунајтед се подготвени да го отпуштат Ерик Ден Хаг, а веројатно тоа ќе се случи доколку утре не успее да ја победи Астон Вила во Бирмингем.
Откако Инзаги ја одбил понудата, како можни кандидати се споменуваат Холанѓанецот се споменуваат Масимилијано Алегри, Томас Тухел и Герет Саутгејт.