Спорт
Тешко е да си богат! Менаџерот на Њукасл вели: Сите се против нас!
Менаџерот на Њукасл, Еди Хау, открива дека ривалите од Премиер лигата одбиваат да соработуваат нормално со клубот по преземањето на клубот од богатите саудиски инвестори, обвинувајќи ги дека намерно ги креваат цените на трансферите посочувајќи дека „сите се против нас“.
Њукасл во последните денови од преодниот рок не успеаја да го донесат Џек Херисон од Лидс и Џејмс Медисон од Лестер и Хау смета дека домашните тимови бидејќи го сметаат клубот како закана намерно не прават „лесни“ договори со нив.
„Тоа беше нешто што го почувствувавме на пазарот на играчи. Домашните клубови не сакаа да бидат ‘фатени’ како ни помагаат и мораме да го прифатиме тоа. Нема услуги од никого, бидејќи наративот околу клубот се смени. Ако дојде Њукасл сите ги креваат цените. Токму затоа се откажавме од неколку договори, бидејќи е важно да не не гледаат како клуб кој ќе плати било која цена. Има чувство дека сите се против нас. Тоа е океј и ќе го прифатиме и ќе бидеме поединствени“, вели Хау.
Њукасл потрошија 115 милиони фунти на четири нови играчи, што значи дека од преземањето на клубот во јануари, сумата надминува 200 милиони фунти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фенербахче експресно најде замена за Вилбекин
Американскиот кошаркар Сабен Ли стана нов член на Фенербахче.
Скоти Вилбекин, синоќа ги скина предните вкрстени лигаменти на првиот натпревар од новата сезона во Евролигата кога Фенербахче пред своите навивачи го победи Олимпијакос со 82:71.
Како што пренесуваат Арис Баркас и порталот „Јурохупс“, челниците на Фенербахче веднаш стапиле во контакт со колегите од Маниса и го договориле трансферот на Сејбен Ли.
Поранешниот НБА играч на Детроит, Филаделфија и Феникс блесна на првиот натпревар од Лигата на шампионите на ФИБА во дресот на Маниса и забележа 36 поени и по шест скока и асистенции во победата над Мурсија 103:97.
Ли е поранешен судент на универзитетот Вандербилт. Инаку, неговиот братучед Трент Форест моментално е член на Басконија.
Спорт
Ѓоковиќ спаси две сет топки, во два тај-брејка го победи Микелсон
Новак Ѓоковиќ потешко од очекувањата победи на стартот на Мастерсот во Шангај. Српскиот тенисер во два тај-брејка го победи 43. играч на АТП листата, Американецот Алекс Микелсон.
Новак Ѓоковиќ по пет години пауза се врати на Мастерсот во Шангај, беше пречекан со овации од публиката, но малдиот Микелсон не беше импресиониран, ниту од величината на противникот, ниту од атмосферата.
Двата сета имаа ист тек, во првиот Микелсон во раната фаза направи брејк, водеше со 3:0, Ѓоковиќ успеа да се врати, а во тај-брејкот пресуди неговото искуство.
Во вториот, Ѓоковиќ прв стигна до брејк и кога се очекуваше рутински да го заврши мечот, му дозволи на Микелсон да се врати. Тај-брејкот беше драматичен Ѓоковиќ спаси две сет топки, а ја искорсити својата трета меч топка за триумф.
Во третото коло Ѓоковиќ ќе игра против Вавринка или Коболи.
Спорт
Се продава најстариот фудбалски клуб во Италија
Фудбалскиот клуб Џенова е ставен на продажба, објави извршниот директор Андрес Бласкез.
Членот на Серија А е во сопственост на американски инвеститори (групата 777 Пантерс), тие го купија клубот пред три години и го вратија во елитните редови по испаѓањето во Серија Б.
Бласкез не можеше да им вети на навивачите дека нема да има продажба на играчи, но тврди дека клубот ќе остане финансиски стабилен и покрај промената на сопственичката структура.
Џенова е основана во 1893 година и е најстариот клуб во Италија кој сè уште постои. Во текот на нивната долга историја девет пати биле шампиони, а последен пат пред точно 100 години.
Сезонава под палката на Алберто Џилардин се на 17. место во Серија А.