Свет
Мистериозната пневмонија зема нова жртва во Аргентина
Пневмонијата, чија причина се уште не е позната, ја зеде четвртата жртва во Аргентина, а бројот на заразени се искачи на 11
Од деветте заразени, осум се здравствени работници, а еден е пациент на одделот за интензивна нега, кој бил лекуван во приватна клиника во Тукуман – мал регион северозападно од главниот град Буенос Аирес.
Министерството за здравство соопшти дека 48-годишен маж и подлегнал на болеста. Причина засега не е позната.
Локалниот весник „Ла Гацета де Тукуман“ пишува дека земените примероци од пациентите „биле позитивни на Легионела“, повикувајќи се на неофицијални извори од Институтот Малбран во Буенос Аирес, но Институтот се уште официјално не го потврдил тоа.
Бактериите Легионела обично се наоѓаат во слатководни средини, како што се езера и потоци. Тие можат да предизвикаат она што е познато како Легионерска болест, многу сериозен тип на атипична пневмонија со симптоми на треска и акутна белодробна инфекција.
За потсетување, тим од Европскиот центар за контрола и превенција на болести во вторникот почна да ги следи случаите во Аргентина, а ситуацијата ја следат и научници од Светската здравствена организација.
Првиот пациент почина во понеделникот, а вториот во средата, откако сите страдаа од „тешка респираторна состојба со билатерална пневмонија, многу слична на ковид“.
Првите шест пациенти почнале да покажуваат симптоми помеѓу 18 и 22 август. Официјалните лица, сепак, не кажаа кога последните тројца пациенти почнале да покажуваат симптоми, но додадоа дека двајца се во болница на лекување, а третиот е дома и неговата состојба се следи.
Новата мистериозна болест се појави две и пол години откако коронавирусот почна да се шири низ светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.