Спорт
Ферстапен недостижен пред 100.000 холандски фанови, тактички грешки на Мерцедес и Ферари

Асот на Ред бул, Макс Ферстапен чекори кон одбрана на светската титула во Формула 1 шампионатот по доминантата победа пред неговите 100 илјади фанови во Цандфорт, триумфирајќи пред Џорџ Расел во Мерцедес и Шарл Леклер во Ферари, откако нивните тимови не реагираа најдобро на променливиот тек на трката.
Ферстапен успеа да ги остави зад себе Шарл Леклер и Карлос Саинс Јуниор на стартот, по што ги преброди сите случувања зад него и со интересна тактика да стигне до убедлива победа. Ферари, од друга страна, направија несфатлива грешка, кога при првото влегување во боксот, не беше подготвена една гума за Карлос Саинс, уништувајќи му ги шансите за борба со Ферстапен, а потоа и двата болиди на Мерцедес успеаја да дојдат пред возачите на Ферари.
Во финишот на трката, на осум круга пред крајот болидот на Валтери Ботас застана на стартнто-целната рамнина, а по излегувањето на безбедносното возило, Луис Хамилтон стана лидер, откако Мерцедес решија да го остават на стари гуми, зад Ферстапен и колегата Џорџ Расел (кои влегоа во боксот). Веднаш по рестартот, Ферстапен лесно го помина, а истото го направија и Расел и Леклер, на што Британецот луто реагираше преку радиото.
На крајот Хамитон заврши како четврти, пред Серхио Перез, Фернандо Алонсо во Алпин, Лендо Норис во Мекларен, Карлос Саинс Јуниор во второто Ферари (поради казната од 5 секунди за небезбедно излегување од бокс), Естебан Окон (Алпин) и Ленс Строл (Астон Мартин).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин