Свет
Тајфунот Хинамнор се приближува до Јужна Кореја, нивото на тревога е зголемено до максимум
Тајфунот Хинамнор денеска се приближи до Јужна Кореја, поради што во таа азиска земја беа откажани бројни летови, затворени се училиштата, како и некои компании, додека Сеул го подигна нивото на тревога до максимум.
Силен дожд и силен ветер го зафатија јужниот дел на земјата, а тајфунот се пресели на север со брзина од 24 километри на час.
Се очекува Хинамнор да пристигне во југозападниот град Бусан во раните утрински часови во вторник, откако прво ќе го помине островот Џеџу, објави „Ројтерс“.
Претседателот Јун Сук-Јол денеска изјави дека ќе биде во состојба на готовност откако ќе им нареди на властите да ја минимизираат штетата од тајфунот, кој беше класифициран како „многу силен“.
„До вторник се очекуваат силни ветрови и обилни врнежи низ земјата, а големи бранови ќе има и во крајбрежниот дел од земјата. Се очекуваат бури и цунами“, соопшти јужнокорејската метеоролошка служба (КМА).
Според прогнозата на КМА, Хинамнор се упатил североисточно кон јапонскиот град Сапоро, на островот Хокаидо.
Поради наближувањето на тајфунот, јапонскиот производител на автомобили „Тојота“ ќе ги откаже ноќните смени во три фабрики во западна Јапонија.
Прекинати се вечерашните смени од 21 часот по локално време, како и утрешните утрински смени во три фабрики во западната префектура Фукуока, пренесе „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Идентификувани уште три жртви во хеликоптерската несреќа во Иран
Објавени се имињата на некои од загинатите во хеликоптерската несреќа, освен иранскиот претседател Ебрахим Раиси и министерот за надворешни работи Хосеин Амир-Абдолахиан.
Државната новинска агенција ИРНА соопшти дека во хеликоптерот биле и ајатолахот Мохамад Али Ал-е Хашем, имамот на петочната молитва во градот Табриз и генералот Малек Рахмати, гувернер на иранската провинција Источен Азербејџан.
Загина и командантот на единицата за заштита на претседателот, Сардар Сејед Мехди Мусави.
Свет
Индискиот премиер: Мое искрено сочувство, Индија стои со Иран
Нарендра Моди, премиер на Индија, рече дека е длабоко тажен и шокиран од трагичната смрт на иранскиот претседател Ебрахим Раиси.
„Моето искрено сочувство до неговото семејство и народот на Иран“, рече Моди, додавајќи: „Индија стои со Иран во овој момент на тага“.
Deeply saddened and shocked by the tragic demise of Dr. Seyed Ebrahim Raisi, President of the Islamic Republic of Iran. His contribution to strengthening India-Iran bilateral relationship will always be remembered. My heartfelt condolences to his family and the people of Iran.…
— Narendra Modi (@narendramodi) May 20, 2024
Индија и Иран имаат историски блиски односи, со Исламската Република клучен добавувач на нафта на јужноазискиот гигант, сега петта по големина економија во светот, многу години додека американските санкции не ја ограничија трговијата.
Њу Делхи се обиде да ги балансира своите врски со Техеран со врските со Вашингтон, како и сè поблиските врски со Израел.
Свет
Новиот претседател на Тајван и порача на Кина: Престанете да ни се заканувате
Претседателот на Тајван, Лаи Чинг-те денеска побара од Кина да ги прекине своите воени и политички закани, велејќи во својот инаугуративен говор дека мирот е единствениот начин и дека Пекинг мора да го почитува изборот на тајванскиот народ. Обраќајќи им се на толпата собрани пред канцеларијата на претседателот во центарот на Тајпеј, Лаи рече дека сака да разговара со Кина, која го гледа островот како своја територија и никогаш не ја отфрли можноста за употреба на сила за да го врати под своја контрола.
„Ја повикувам Кина да престане политички и воено да го заплашува Тајван и да преземе глобална одговорност заедно со Тајван за одржување на мирот и стабилноста во Тајванскиот теснец и во регионот, за светот да не мора да се плаши од избувнување на војна. И ние сакаме да го објавиме ова на светот: Тајван не прави отстапки во однос на демократијата и слободата. Мирот е единствениот начин и нашата цел е долгорочен мир и стабилност“, рече тој.
Засега нема реакција од Кина, која го нарече Лаи сепаратист пред изборите во јануари. Лаи (64), кој ја презеде функцијата од поранешниот шеф на државата Цаи Инг-вен, на која беше потпретседател во последните четири години, рече дека луѓето мора да бидат реални и да ги сфаќаат сериозно заканите и дека Тајван мора да покаже дека е решен да се брани.
„Почитувани сограѓани, мирот е нашиот идеал, но не смееме да имаме илузии. Пред Кина да се откаже од употребата на сила за напад на Тајван, граѓаните мора да знаат: Дури и ако ги прифатиме сите кинески барања и се откажеме од нашиот суверенитет, амбициите на Кина нема да исчезнат“.
Лаи привлече силен аплауз од толпата кога рече дека Република Кина, официјалното име на Тајван и Народна Република Кина „не се подредени една на друга“.
Тајванското Министерство за одбрана во денешниот дневен извештај објави дека шест кинески авиони ја преминале централната линија на Тајванскиот теснец, кој претходно служел како неофицијална граница, но Кина не го признава.