Македонија
Кисела Вода го продолжи рокот за пријавување за субвенција за сметките за струја
Општина Кисела Вода го продолжува рокот за поднесување барања за субвенционирање на дел од месечните сметки за потрошена електрична енергија на социјално ранливите категории.
„Со цел да им се излезе во пресрет на што повеќе жители што ги исполнуваат критериумите зададени со јавниот повик, на нивно барање бараната документација може да се достави уште 7 работни дена од првично предвидениот рок, односно до 16.9.2022 година до 19 часот.
Се работи за финасиска помош што Општина Кисела Вода ја обезбеди преку донација од приватна компанија и која има цел социјално загрозените семејства, самохраните родители и децата без родители полесно да ги намират сметките за потрошена струја. Се работи за сума во износ од 1.200.000,00 денари, односно по 100.000,00 денари во текот на дванаесет месеци, кои ќе бидат наменети за оние на кои најмногу им е потребна помош“, велат од Општината.
Јавниот повик со критериумите за учество и потребната документација е достапен на општинската веб-страница.
Дополнителни информации може да се добијат преку лицата за контакт:
Ана Ѓуроска [email protected] 071/391-167
Марјана Блажевска [email protected] 072/248-526
Документите треба да се достават во архивата на Општина Кисела Вода, а изборот ќе го врши повеќечлена комисија. Подносителите ќе бидат известени во рок од 15 дена од донесувањето на одлуката за распределба на средствата.
Продолжен е и проектот „Храна за сите“ преку кој се обезбедуваат хуманитарни пакети за економски немоќните лица, а сите семејства што имаат првоодделенче од Општината на првиот училиштен ден добија бесплатни училишни чанти со тетратки и прибор.
Во периодот што следува Општина Кисела Вода најави нов сет мерки, со цел овој тежок финасиски период полесно да се преброди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.