Спорт
Шенгелија: Турците се агресивни, добиваме смртни закани
Најдобриот грузиски кошаркар Торнике Шенгелија се огласи на социјалните мрежи по големите инциденти што се случија по натпреварот меѓу неговата репрезентација и селекцијата на Турција.
Грузија пред два дена, по две продолженија, ја победи Турција со 88:83. Мечот го обележа инцидентот на теренот помеѓу Коркмаз и Санидзе, исклучувањето на турскиот селектор Атаман и обвинувањата на Турците дека Коркмаз бил нападнат пред соблекувалната.
Шенгелија тврди дека турските играчи биле агресивни и упатиле сериозни закани. Тој смета дека неговите соиграчи не требао да паднат на тие провокации.
Шенгелија не игра на актуелниот Евробаскет бидејќи го повреди рамото, но на секој натпревар е со својата селекција.
„Не требаше да реагираме на провокациите. Реагиравме како луѓе, како мажи и покажавме реакција. Од друга страна, кога ќе почне конфликтот на теренот, тој треба да остане таму. Не треба да барате физички да се пресметате од играчите на другиот тим, кои играат пред своите семјества, пријатели. Не само тоа, кога отидовме во соблекувалната, провокациите продолжија. Нè нарекуваа со секакви имиња и со раце ни покажуваа секакви работи. Поинаква слика даваа пишувањата на турските медиуми, а тоа предизвика агресивни реакции на турските навивачи кон нашите семејства. Тоа се многу вознемирувачки пораки и ни се заканија со смрт“, изјави Токо Шенгелија.
Инаку, Турците се заканија дека ќе го напуштат Евробаскетот доколку не добијат видео од конфликтот во тунелот во кој Коркмаз наводно бил нападнат од грузиски играчи и обезбедување. ФИБА отвори истрага поради ова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јамал и Рафиња ја вратија Барселона на второто место
Фудбалерите на Барселона ја оправдаа улогата на фаворити, на домашен терен го совладаа Реал Сосиедад со 2:0 и се вратија на второто место на табелата во шпанската Примера. Со овој пораз Реал Сосиедад падна на седмата позиција, која носи пласман во Конференциската лига.
Каталонците сосема заслужено ги освоија трите бода, но повторно избраниците на Чави Ернандез си поиграа со нервите на своите навивачи.
Барселона поведе во 40. минута по одличната акција која ја започна Левандовски, стрелец беше Ламине Џамал. Тоа беше седми гол во сезоната, петти во лигата за суперталентираниот 16-годишник.
Во финишот на натпреварот во 93.минута Рафиња од пенал го постави конечниот резултат.
Спорт
Давидовац го реши трилерот во „Пионир“
Кошаркарите на Црвена звезда поведоа со 1-0 во финалната серија во АБА лигата. Црвена звезда по два ипол часа кошарка го победи Партизан со 85:82.
Вечните ривали водеа голема борба во текот на целиот натпревар. Ниту еден од тимовите немаше предност поголема од девет поени.
Дербито во самиот финиш од линијата за слободни фрлања го реши Дејан Давидовац. Најпрвин погоди за 83:80, на спротивната страна одговори со поени Џејмс Нанели.
Во следниот напад Давидовац го надмудри Ледеј кога беше судена „мртва топка“ и потоа повотрно поентираше од линијата за слободни. Со звукот на сирената потоа од центарот на теренот неуспешно се обиде Аврамовиќ.
Најдобар во победничкиот тим беше Јаго Дос Сантос со 18 поени. Лука Митровиќ и Милош Теодосиќ додадоа по 14 поени. Херојот Давидовац постигна 12 поени.
Кај Партизан блескаше Џејмс Нунели со 27 поени и шест скока. Кевин Пнатер постигна 13 поени, а Алекса Аврамовиќ додаде десет поени.
Вториот натпревар е закажан за среда на 15 мај, а домаќин повотрно е Црвена звезда.
Спорт
(Видео) Дуран спречи триумф на Ливерпул на „Вила Парк“
Фудбалерите на Астон Вила и Ливерпул одиграа возбудлив натпревар во претпоследноот коло на Премиер лигата на „Вила Парк“ во Бирмингем.
На крајот немаше победник 3:3. Победа на Ливерпул не дозволи Колумбиецот Дуран.
Ливерпул поведе во втората минута по грешката и автоголот на голманот Емилијано Мартинез, Јури Тиелеманс израмни во 12. минута.
Гостите од „Енфилд“ заминаа на пауза со предност што им ја донесе Коди Гакпо во 23. минута.
Во продолжението Астон Вила заигра подобро, иако Ливерпул стигна до 1:3 преку Кванса во 48. минута.
Тогаш на сцена стапи Колумбиецот Дуран, кој најпрвин погоди во 79.минута, а потоа во 88.минута избори бод на својот тим.
Ливерпул е трета со 79 поени, Астон Вила е на четвртата позиција со 63 бода.