Спорт
Со новата сезона во Лигата на шампионите, стартува и полу-автоматската технологија за офсајди
Со првите мечеви од групната фаза во Лигата на шампионите денеска, започнува и користењето на „Полу-автоматската технологија за офсајди“ (САОТ), која ќе треба да помогне да се избегнат контроверзи во елитното европско натпреварување.
УЕФА минатиот месец го потврди користењето на новата технологија за да се „зголеми токот на играта и постојаноста на одлуките“, технологија со која ВАР судиите ќе можат побргу и поточно да ги утврдуваат офсајд ситуациите.
10 камери за следење ќе бидат поставени под покривите на сите стадиони на кои се игра фудбал и ќе ја следат топката и 29 точки на телото на секој фудбалер 50 пати во секунда, пресметувајќи ја нивната точна позиција на теренот. Овие 29 точки ќе ги вклучуваат рацете и нозете на фудбалерите кои се клучни при одредуваето офсајд. Овие податоци се сместуваат во компјутер кој го предупредува ВАР системот кога ќе има офсајд.
Легендарниот поранешен италијански судија, а сега претседател на Комисијата на судии на ФИФА, Пјерлуиџи Колина е сигурен дека СОАТ ќе биде успех.
„ВАР веќе имаше позитивно влијание на фудбалот и можеме да забележиме драстично намалување на грешките на судиите. Очекуваме СОАТ да не однесе чекор подалеку. Сите сме свесни дека досегашниот процес на одредување офсајд трае предолго, и затоа сега ќе имаме побрзи и поточни одлуки. Знам дека некои го нарекоа ‘роботски офсајд’, но тоа не е точно бидејќи судиите и нивните помошници ќе ја носат конечната одлука“, вели Колина.
???? The #UCL group stages will see the introduction of Semi-Automated Offside Technology (SAOT).
⚽ How does it work and how will it affect the game? UEFA chief refereeing officer Roberto Rosetti explains all: ⬇️
— UEFA (@UEFA) September 2, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.