Македонија
(Видео) Митрески: Иницијативата на Мицкоски за референдум е спротивна на македонскиот Устав
Иницијативата на Мицкоски за референдум е спротивна на македонскиот Устав и треба да се отфрли, изјави координаторот на пратеничката група на СДСМ и коалицијата, Јован Митрески.
Уставот како највисок правен акт е јасен: во член 118 јасно предвидува дека меѓународните договори што се ратификувани се дел од внатрешниот правен поредок и не може да се менуваат со закон, дополни тој.
„Договорот за добрососедство е меѓународен договор и во согласност со Уставот неговото правно дејство не може да се менува со закон. Очигледно е дека Мицкоски намерно ја има смислено и поднесено оваа иницијатива на правно неиздржан начин спротивно на македонскиот Уставот со единствена цел, само да создава тензии, да го манипулира народот, свесен дека нема да успее.
Кога потонаа сите негови лаги со кои ги лажеше граѓаните, но и сопствените членови во претходниот период, оваа иницијатива беше уште една измама на Мицкоски за спас на сопствената фотелја во белиот дворец и бизнис-интересите на една екипа во неговото опкружување. Иницијативата на Мицкоски е директно насочена кон попречување на патот кон ЕУ, против македонскиот јазик во ЕУ и против заштита на македонскиот идентитет, македонската посебност“, изјави Митрески.
Тој го обвини Мицкоски дека e против ЕУ и против НАТО, дека сака да застанеме, да се вратиме назад во едно време на застој и изолација.
„Почнавме преговори со ЕУ како Македонци, а нашиот македонски јазик влезе во ЕУ и враќање назад од тој пат нема. Нашето членство во НАТО зависи токму од резолуциите и договорите што се ратификувани во македонското Собрание. Некогаш ВМРО-ДПМНЕ беше партија што се грижеше за нашите државни стратешки интереси, гласаше резолуции, декларации за наше членство во ЕУ и НАТО, а денес со ова раководство прават сè да го загрозат членството во НАТО и да го стопираат нашиот европски пат кон ЕУ.
Предлагач на оваа неуставна иницијатива пред граѓаните се токму човекот и партијата што НЕ ГЛАСАШЕ против договорот за добрососедство во Собранието, дури не го удостои ни народот со став во собраниската сала, иако се платени од граѓаните, а сега сакаат пак да се скријат зад народот.
Впрочем, затоа и Мицкоски сакаше да ја префрли одговорноста на граѓаните, а неговите пратеници не гласаа во Собранието. Само бараше и бара алиби за сопствените неуспеси. Затоа, му текна по 5 години да се обидува со измама да оспорува договор, кој патем придонесе за нашето членство во НАТО и за кој тој самиот рече на добар бугарски јазик, го цитирам – ‘поткрепа сè што е добро за двете части’“, рече Митрески.
Според него, во време на најголема економска и енергетска криза, во пресрет на тешка и неизвесна зима, крајно неодговорно и недозволиво е да се потрошат 8 милиони евра за да се спаси Мицкоски.
Можеби Мицкоски и бизнис-групата околу него го прават ова со надеж дека ќе предизвикаат штета и на тој начин ќе дојдат до власт, но овде во прашање се државниот и националниот интерес. СДСМ нема да дозволи ретроградните сили да ја закочат иднината на македонските граѓани, порача Митрески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лефков: ДУИ како Влада поддржа укинување на балансерот, сега само манипулира со народот
Владата на ДУИ и СДС во 2023 година донесе Стратегија за реформи на јавната администрација за период 2023-2030, со која се предвидува укинување на балансерот. Имено ДУИ од позиција на власт немаше ништо против да се укине балансерот, за сега од позиција на опозиција да наоѓа изговори и измислува причини за дестабилизација, изјави пратеникот и член на ИК на ВМРО-ДПМНЕ, Миле Лефков, на прес-конференција.
„ДУИ не кажа ниту збор кога тие заедно со СДС ја промовираа Стратегијата. ДУИ беа дел од владата која ја донесе оваа Стратегија, и тогаш немаше ниту прес-конференции ниту критики од нив, напротив тогаш молчеа, зошто и самите знаат дека истото е препорака од Европската Унија. Имено укинувањето на балансерот е всушност препорака на Европската Комисија, која јасно укажува дека вработувањето врз основа на истиот, може да ги поткопа принципите на заслуги и да влијае на независноста на институциите. ДУИ сето ова го знае, но се лицемери и сакаат да манипулираат со јавноста“, рече Лефков.
Како што додаде, ВМРО-ДПМНЕ се согласува со Европската Комисија дека балансерот е злоупотребен, сметаме дека рамноправната застапеносост треба и ќе се реши со закон.
Македонија
Aхмети му се пожали на бугарскиот амбасадор: Албанците избрани од ВМРО ДПМНЕ се откажаа од Европа
Во седиштето на Демократската унија за интеграција, претседателот на ДУИ, Али Ахмети, го прими амбасадорот на Бугарија во Скопје, Жељазко Радуков.
Како што информираа од ДУИ, Али Ахмети му честитал на амбасадорот Радуков за враќањето во Северна Македонија и го уверил дека блиската соработка во поглед на европската иднина и добрососедството ќе продолжи уште повеќе.
Ахмети и Радуков разговараа за преговарачката рамка на Европската Унија и интеграцијата на земјата во ЕУ, како и за актуелната политичка состојба во земјата и регионот.
„Преговарачката рамка одобрена од Европската унија е јасна и мора да се спроведе за да го продолжиме нашето патување кон Брисел“, велат од ДУИ.
Бугарската заедница во Северна Македонија е реалност и треба да биде вклучена во Уставот, а од ова никој ништо не губи, напротив, сите добиваат, беше кажано на средбата.
Ахмети подвлече и дека приоритет на ДУИ е токму продолжување на европскиот пат, затоа уставните измени мора веднаш да се случат бидејќи граѓаните очекуваат да станеме дел од Европската Унија.
Првиот човек на ДУИ повтори дека Охридскиот договор, Договорот од Преспа и Договорот за добрососедство се одредби на ДУИ и ќе се ангажира за нивна поддршка и имплементација.
Ахмети и Рудаков разговараа и за политичката состојба во земјата, при што Ахмети зборуваше за, како што рече, тенденцијата на власта со моноетнички легитимитет и на надгласувачкиот Уставниот суд целосно да го прекрши Охридскиот договор, неговиот дух и социјалната кохезија кај нас со наметнување етничка надмоќ.
„Ова е неприфатливо. ‘Чесните’ и претпочитани Албанци избрани од ВМРО ДПМНЕ се откажаа од Европа, но и од еднаквоста, омаловажувајќи ги и понижувајќи ги Албанците за нивните лични корумпирани мотиви“, додаде Ахмети.
Македонија
„Вреди“ подготвува нов закон за правична застапеност, но не само за етничките заединици, туку и за маргинализираните групи
Коалицијата „Вреди“ подготвува закон за правична застапеност, кој ќе биде предмет на јавна дебата следната недела, најави министерот за здравство, Арбен Таравари.
Како што рече, од сите страни е констатирано дека алатката балансер не функционираше, па неопходен е закон во којшто ќе бидат вклучени сите маргинализирани категории во општеството, а не само етничките.
„Правичната застапеност е уставна категорија и секогаш кога нешто е уставна категорија, треба да постои и закон“, рече Таравари.
Уставниот суд, оваа недела, донесе одлука со која се укина балансерот.