Спорт
Матијас Погба ѝ се предаде на француската полиција по обвинувањата за уцена на брат му
![](https://makfax.com.mk/wp-content/uploads/2022/09/copyright-proshots-1609353.jpg)
Матијас Погба ѝ се пријавил на полицијата во Париз како дел од истрагата за наводната уцена на својот брат, Пол Погба, тврдат француските медиуми, додавајќи нова епизода во сагата во семејството на ѕвездата на Јувентус.
Весникот „Ле Монд“ тврди дека Матијас Погба ѝ се предал на полицијата во средата откога бил обвинет дека е дел од бандата што го уценувала Пол Погба. Покрај него, во притвор се уште тројца луѓе поврзани со уцената по барање на Обвинителството во Париз.
Минатиот месец 29-годишниот Пол Погба кај француската полиција пријавил дека е цел на уцена тешка 13 милиони евра од банда во која членувал и неговиот постар брат, 32-годишниот Матијас. Ова дојде откако Матијас преку социјалните мрежи најави експлозивни информации за својот помлад брат.
Mathias Pogba placé en garde à vue
Selon Le Monde, Mathias Pogba a été placé en garde à vue ce mercredi dans le cadre de l’enquête ouverte sur les « tentatives d’extorsion » dénoncées par son frère Paul https://t.co/0s9WofxXFO pic.twitter.com/tSW5rX5wci
— L’ÉQUIPE (@lequipe) September 14, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.