Македонија
(Видео) Кичевски: Тендери, пари и бизнис-интереси на Мицкоски и ВМРО-ДПМНЕ се причина за кавгите во Скопје
Една година од локалните избори на виделина е вистинското лице на Мицкоски и ВМРО-ДПМНЕ во Скопје, како и во општините на главниот град. Наместо да работат за граѓаните, за скопјани, за развојот на градот, гледаме кулминација на една брутална кавга помеѓу Мицкоски и Арсовска. Само за лични, партиски и бизнис-интереси на структури во ВМРО-ДПМНЕ, изјави Васко Кичевски, претседател на ГО СДСМ – Скопје.
„Со денови јавноста слуша меѓусебни обвинувања за тендери, пари, влијание, неработа и криминал. Тендер вреден 136 милиони евра е причина за кавгата помеѓу кадрите на Мицкоски. Очекуваме сите надлежни правосудни органи да ги истражат сомнежите за криминал и да следува одговорност.
Ниту СДСМ ниту граѓаните не ги интересираат односите на Арсовска и Мицкоски, дали им се нарушени, дали со тоа кријат нешто друго или не. Скопјани очекуваат развој на градот, реализација на ветените проекти кои никаде ги нема.
Една година помина Скопје стои во место. ВМРО ДПМНЕ во изминатиот период намерно ја сопре реализацијата на стратешките проекти во градот како што е БРТ-системот, мостот во Аеродром, на Љубљанска, Универзална сала. Го загрози дури и проектот за прочистителна станица…сите важни за скопјани.
Досега Аросвска им беше супер, одеднаш не им одговара, не била нивна. Токму Мицкоски и ВМРО-ДПМНЕ ја поддржаа кандидатурата на Данела Арсовска за градоначалник. Дури и потписите ѝ ги собраа. Заедно одеа на митинзи, на собири, на средби се фалеа и бараа поддршка од скопјани. Пари, бизнис-зделки и влијанија, друго не го интересира Мицкоски. Тоа е причината за јавните препукувања и ништо друго.
За жал, како во лош филм на Скопје му се случува репризата на криминалното ВМРО-ДПМНЕ со силен удар врз развојот на градот. Истко како што ВМРО-ДПМНЕ го осакати главниот град со криминалната пералница на пари Скопје2014, сега му се заканува нова катастрофа. Скопје2014 му ја приреди Груевски, катастрофата Скопје2024 ја приредува Христијан Мицкоски.
СДСМ ќе направи сè тоа да не се случи. СДСМ е на страната на скопјани и ќе продолжи одговорно да дејствува во советот на Град Скопје, во јавноста, бранејќи ги интересите на граѓаните“, рече Кичевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Бурим Латифи од МЕПСО потроши 15.000 евра за купување цвеќе
Демократската унија за интеграција денеска извести за неодговорното работење на Бурим Латифи кој како директор на МЕПСО реализирал тендери за хортикултурно уредување.
Денеска сме тука да ја известиме јавноста за несовесното работење на МЕПСО, и нивниот директор Бурим Латифи, кадар на партијата на Изет Меџити и негов прв братучед, кој наместо да го подготви електроенергетскиот сектор за престојната зима, реализира тендери за хортикулурно уредување, или народски кажано купува цвеќиња за сума од над 1.000.000 денари.
Првата активност на новиот директор, братучед на џентлменот Меџити, уште пред да се запознае со неговите вработени, е да купи цвеќе.
Ова е целосно недомаќинско работење на компанија чија главна задача и е енергетскиот сектор, а не купување на цвеќиња за 15.000 Евра во време кога граѓаните не можат да ги плаќат сметките за електрична енергија.
Замислете, наместо да им се помогне на граѓаните во делот на енергетската сиромаштија МЕПСО со Бурим Латифи плаќаат цвеќиња- калемени рози по 9.000 ден парче“, велат од ДУИ.
Ги повикуваат институциите да постапат веднаш а тие како што напоменуваат ќе ги следат на дневна основа „сите нелегитимни узурпатори на институциите во нивното работење“ и најавија дека ќе ги известат надлежните институции за сите злоупотреби.
Македонија
„Пајакот“ крена 148 непрописно паркирани возила на територијата на општина Центар минатата недела
ЈП Паркинзи на Општина Центар и Општина Центар во соработка со Сообраќајната полиција-Скопје во периодот од 30.09. до 06.10.2024 година, со помош на специјалните возила „Пајак“ отстранија 148 непрописно паркирани возила кои го попречувале нормалното и безбедно одвивање на сообраќајот.
„ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар“, се нагласува во соопштението.
Македонија
(Вознемирувачко видео) Седум кученца живи фрлени во контејнер во Кочани
Вработените во КЈП „Водовод“ во Кочани, задолжени за собирање и складирање на отпадот, при нивната редовна работа во контејнер за отпадоци пронајдоа вреќа со седум мали живи кутриња, фрлени на нехуман начин заедно до другото ѓубре.
Од претпријатието нагласија дека секојдневно се соочуваат со отпад за кој не се задолжени да го собираат, како градежен шут, електронски и медицински отпад, но овој случај ги надминал сите граници.
Оваа случка стана вирална и предизвикува многубројни негативни коментари на социјалните мрежи.