При денешната посета на општина Штип претседателот на ВМРО-ДПМНЕ Христијан Мицкоски одговарајќи на новинарско прашање во однос на отфрлањето на иницијативата за референдум, кои се следни чекори и што ќе се направи откако ќе дојде на власт истакна дека следната влада на ВМРО-ДПМНЕ е подготвена да седне повторно на маса со владата во Софија и повторно да преговара за сите околности за коишто сега ценат дека се асимилаторски и се сопирачка за патот на Македонија кон полноправно членство во ЕУ.

„Па видите сега ние ако влеземе во еден вртлог на иницијативи а тој одбива, и тоа биде некоја тема тогаш сме ја испуштиле суштината, а суштината е како да го спречиме овој асимилаторски договор да нанесе штета на идентитетот на македонскиот народ, тоа е суштината и вратата на којашто се отвора можноста да се направи асимилација на македонскиот народ е токму промената на Уставот. Пратеничката група на ВМРО-ДПМНЕ нема да поддржи  каква било промена на Уставот тоа треба да сте сигурни и сега кога ВМРО-ДПМНЕ е во опозиција условно кажано, но и наскоро од денеска кога ВМРО-ДПМНЕ ќе ја формира идната влада во Македонија, нема да поддржиме промена на Уставот и на тој начин отворање на вратата за асимилација на македонскиот народ којашто директно значи удар врз македонскиот идентитет“, нагласи Мицкоски.

Претседателот на ВМРО-ДПМНЕ, Мицкоски, истакна дека следната влада на ВМРО-ДПМНЕ е подготвена да седне повторно на маса со владата во Софија и повторно да преговара за сите овие околности коишто сега ценат дека се асимилаторски и се сопирачка за патот на Македонија кон полноправно членство во ЕУ.

„Следната влада на ВМРО-ДПМНЕ е подготвена да седне повторно на маса со владата во Софија и повторно да преговара за овие околности коишто ние цениме дека се асимилаторски и се сопирачка  за патот на Македонија кон полноправно членство во ЕУ а не помагаат, да постигнеме еден вистински добрососедски договор којшто навистина ќе ги подобри односите коишто сега се на катастрофално ниско ниво помеѓу двата народа, македонскиот и бугарскиот и помеѓу двете држави Македонија и Бугарија“, нагласи Мицкоски.