Регион
(Видео) Противниците на Европрајд во Белград ги полеваа со света вода припадниците на ЛГБТ
И покрај дождот и насобраните противници во Белград сепак се одржува Парадата на гордоста. Како што пренесува репортерката на РТС, многумина од учесниците се странци.
Учесниците на литијата, кои се обидуваат да ја спречат парадата, во неколку наврати успеале да ги полеат со вода припадници на ЛГБТ популацијата, како и оние кои ги поддржуваат. Како што се наведува, станува збор за света вода, за која сметаат дека ќе ги промени ставовите и сексуалната ориентација на учесниците на Прајдот. Тие влетаа меѓу активистите кажувајќи молитви и држејќи икони во рацете.
Полициските кордони ги обезбедуваат главните раскрсници во Белград. Силни полициски сили го окупираа просторот околу Уставниот суд, а со полицијата е и министерот за внатрешни работи Александар Вулин.
Противниците на Парадата на гордоста, неколку стотици претежно млади на возраст од триесет години, се собраа околу храмот Свети Сава и тргнаа пешки кон Правниот факултет, но беа спречени на улицата Београдска од полицијата за да не стапат во контакт со учесниците на гордоста.
Полицијата претходно денеса до 15 часот приведе 31 лице, поради нарушување на јавниот ред и мир во главниот град.
По наредба на Вишото јавно обвинителство во Белград се приведени четворицата мажи кои денеска шутираа припадници на полицијата на улицата пред Домот на Народното собрание на Србија. Тие добија притвор до 48 часа од Првото основно јавно обвинителство Белград за кривичното дело член 23 од Законот за јавен ред и мир – Попречување службено лице во вршење на службената должност.
Приведени се К.Н.(30) и М.М. (32), М.М. (34) и Т.Б. (35).
Фрлени се бакли кон полицијата која ја обезбедува парадата во булеварот Ослободување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милановиќ му одговори на Додик: Хрватите од Втората светска војна излегоа на вистинската страна
Хрватскиот претседател Зоран Милановиќ се огласи во врска со тврдењата на Милорад Додик дека хрватскиот народ е колективно виновен за усташките злосторства. „Има многу малку припадници на хрватската нација кои не се солидаризираа со злосторствата на усташкиот режим“, изјави вчера Додик од Доња Градина, каде што се одржа комеморацијата за жртвите во концентрациониот логор Јасеновац.
Додик ја повтори спорната бројка од 700.000 убиени во Јасеновац, посочувајќи дека во Хрватска „сто години ги остреле секири“ за да почнат да убиваат Срби во 1941 година. Тој најави дека во Доња Градина, Србија и Република Српска ќе градат сопствен споменик на жртвите од Јасеновац со цел „да не се ограничи“ начинот на кој во иднина ќе го одбележуваат.
„Претседателот на Република Хрватска, Зоран Милановиќ, изјавите на лидерот на српскиот народ во БиХ, Милорад Додик, во Доња Градина, на комеморацијата на жртвите од усташкиот логор Јасеновац ги смета за неприфатливи и пред се невистинити.
Милорад Додик, покрај повторената невистина за бројот на жртвите во Јасеновац, рече дека „има многу малку припадници на хрватската нација кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ.
Ваквите матрици само им штетат на интересите на Хрватите и Србите и во Хрватска и во БиХ. Хрватскиот народ излезе од Втората светска војна на вистинската страна на историјата, на победничката страна. Секое различно толкување на историјата, вклучувајќи го и гореспоменатото на Додик, претставува грубо фалсификување на вистината“, се наведува во одговорот на Милановиќ.
Регион
Драма во Белград: 23-годишен маж силувал старица и ѝ се заканил дека ќе ја убие
Белградската полиција уапсила 23-годишен маж со иницијали С. З. поради сомнение дека силувал старица во нејзината куќа.
По наредба на Обвинителството му била одредена мерка притвор до 30 дена.
Старицата случајот го пријавила во полиција на 7 мај годинава.
Полицијата набргу го идентификувала и го привела.
Според „Телеграф“, С. З. влегол во куќата на постара жена во една белградска населба. Потоа ѝ побарал пари, а бидејќи немала, ја принудил на секс.
„Жртвата рече дека младиот човек ѝ се заканил дека ќе ја убие доколку го пријави во полиција“, пренесува медиумот.
Несреќната жена добила полесни повреди, а била подложена и на здравствени прегледи, според написите.
Регион
Сопругата на Зеленски и шефот на украинската дипломатија во ненадејна посета на Србија
Министерот за надворешни работи на Украина, Дмитро Кулеба, заедно со првата дама на Украина, Олена Зеленска, во знак на затоплување на односите меѓу двете земји, беше во ненадејна посета на Србија, пишуваат медиумите во регионот.
Во својата прва посета на Србија од почетокот на руската агресија врз Украина во 2022 година Кулеба се состана со српскиот претседател Александар Вучиќ и новиот премиер, Милош Вучевиќ.
Во соопштението за печатот на кабинетот на премиерот по разговорите се наведува дека „Србија е посветена на почитување на меѓународното право и територијалниот интегритет на секоја земја членка на Обединетите нации, вклучително и Украина“.
Србија прогласи неутралност во однос на војната во Украина, а нејзините власти повторуваат дека Србија никому не му доставува оружје.
Посетата на Кулеба и Зеленска, кои заедно со првата дама на Србија, Тамара Вучиќ, го обиколија главниот град на Србија, наиде на критики во Москва. Рускиот медиум „РИА новости“ објави негативни коментари од читателите, кои посетата ја оценуваат „срамна“.