Забава
За да ѝ оддадат почит на кралицата, Британците чекаат 14 часа: кралот Чарлс и принцот Вилијам дојдоа да ги поздрават
Британскиот крал Чарлс Трети и принцот Вилијам ги поздравија оние што попладнето трпеливо чекаа да се поклонат пред гробницата на кралицата Елизабета.
Стотици луѓе навиваа и аплаудираа откако Чарлс Трети и Вилијам се појавија во јужен Лондон за да им се заблагодарат на оние што чекаа да и оддадат почит на покојната британска кралица.
Една жена му изрази сочувство на новиот крал додека се ракуваа, а десетици луѓе скандираа „хип хип ура“. Новиот крал и неговиот син застанале на неколку моменти да разговараат со толпата.
Медиумите пренесуваат дека Вилијам ги прашал колку време чекаат и дали им е ладно.
Некои дури и плачеле откако разговарале со него, а една жена му рекла дека „еден ден ќе биде брилијантен крал“.
Новиот крал му се заблагодари на персоналот на службата за итни случаи за нивната самопожртвувана работа.
Во меѓувреме, линијата се прошири до паркот Саутварк. На снимката се гледа дека луѓето постојано пристигнуваат, иако температурата во центарот на Лондон утринава беше прилично ниска, околу 12 степени Целзиусови.
Знак на крајот од редот ги предупредува сите што пристигнуваат да и оддадат почит на кралицата дека ќе чекаат најмалку 14 часа од таа точка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.