Македонија
МОН: Одржана тркалезна маса на лидери во рамки на третиот ден од Самитот на ОН
На третиот ден од Самитот на Обединетите Нации за трансформација на образованието кој се одржа во Њујорк, САД, се организира тркалезна маса на лидери, на која шефовите на држави и влади дискутира и ги искажаа националните визии, идеи и заложби за подобрување на квалитетот на образованието во пост-пандемискиот период.
Покрај министерот за образование и наука Јетон Шаќири, на тркалезната маса присуствуваа и министерот за надворешни работи Бујар Османи и премиерот Димитар Ковачевски, информираат од МОН.
Премиерот во својот говор се осврна на заложбите на Република Македонија, но и на конкретните чекори преземени во насока на трансформација на образованието на државно ниво, со цел да се обезбеди квалитетно и достапно образование за сите.
Како резултат на националните консултации за тоа како треба да изгледа образованието во државата во иднина, МОН со поддршка на УНИЦЕФ спроведе повеќе чекори.
Надлежните институции и во следниот период продолжуваат да со заложбите кон брзо закрепнување на образовниот систем од последиците на пандемијата со Ковид-19 и намалување на пропустите во учењето настанати во периодот кога воспитно – образовниот процес се организираше во вонредни околности.
Еден од приоритетите на МОН и на Владата е градење на инклузивно предучилишно и училишно образование кое ќе ги опфати сите деца, вклучително и оние кои потекнуваат од ранливи категории и семејства, кои мора да стекнат основни вештини за учење за да го остварат својот целосен потенцијал.
Училишната средина мора да биде мирна и хармонична, да се почитуваат различностите, да се стимулираат достигнувањата на учениците и да се води грижа за нивното ментално здравје.
Фокусот на образовните политики ќе биде насочен и кон изработка на нови материјали за настава и учење кои ќе бидат достапни и во дигитален формат, инвестиции во развој и примена на нови дигитални алатки, односно инвестиции во подобрувањето на дигиталната инфраструктура на сите училишта, како и грижа за професионален развој на наставниците, особено преку јакнење на дигиталните компетенции.
Акцент е ставен и на обезбедувањето можности за доживотно учење, преквалификација и доквалификација.
Владата и МОН ќе се заложат за воспоставување на нова финансиска рамка за постепено зголемување на средствата за основно и средно образование за општините до 35 проценти, како и за оптимизирање на училишната мрежа за да можат сите училишта да обезбедат квалитетно образование согласно националните образовни стандарди, појаснуваат од МОН.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Перински – Стефковски: Гази Баба најавува изградба на 10 капитални проекти
Градоначалникот на општина Гази Баба Бобан Стефковски имаше средба со Министерот за локална самоуправа Златко Перински.
За средбата, градоначалникот Стефковски информираше на својата официјална страна на фејсбук на која напиша:
„Го информирав министерот Перински за подготвеноста на општина Гази Баба за најавениот јавен повик од премиерот Христијан Мицкоски за финансирање на капитални проекти на општините низ Македонија. Во изминатите две и половина години посветено работевме на изготвување на урбанистичко – планска документација и денес слободно можам да најавам дека во општина Гази Баба во наредниот период ќе се реализираат голем број на капитални проекти“, рече Стефковски и додаде:
Дел од тие проекти се: Изградба на детска градинка во Трубарево; Изградба на детска градинка во Инџиково; Изградба на нова училишна зграда на ООУ Крсте Мисирков; Изградба на нов модул од фекалната канализација во Јурумлери; Комплетна реконструкција на Културниот дом во Ченто; Реконструкција и ревитализација на улица Петре Филиповски Гарката во Триангла; Реконструкција и ревитализација на улица Лазар Поп Трајков во Автокоманда;Реконструкција и ревитализација на улица 519 во Керамидница; Реконструкција и ревитализација на улица Палмиро Тољати во Ченто; Изградба на атмосферска канализација и водоводна мрежа на улица Јоран Поп Јорданов во Маџари; Реконструкција и ревитализација на дел од улица Жан Жорес (од Кино Маџари до надвозникот кај ООУ Наум Наумовски Борче). Поддршката од Владата на Република Македонија е многу важна во процесот на реализацијата на капиталните проекти во општината.Им благодарам на премиерот Христијан Мицкоски и министерот Златко Перински за нивната вистинска заложба за поддршка на општините, а преку тоа и за директна помош на граѓаните. Среќен сум што Македонија доби Влада на која приоритет и се граѓаните и развојот на општините! – напиша Стефковски.
Македонија
Јанчев: Струјата може да биде поефтина само доколку е под ,,капата” на државата
Решението за поевтина струја е левичарско и струјата може да биде поефтина само доколку е под ,,капата” на државата – ова е ставот што го истакна пратеникот од Левица, Сашко Јанчев, во својот говор на собраниската седница за измените во Законот за енергетика.
– Во јавните услуги, како што е снабдувањето со електрична струја, не смее да има приватен интерес, како што тоа го има сега ЕВН, затоа што јавните добра и услуги се оние минимум добра и услуги што мора да ги има секој граѓанин за да има минимум пристоен живот, а за да ги има, тие мора да бидат подостапни. За да бидат подостапни, треба да бидат поевтини. За да бидат поевтини, мора да бидат под ,,капа” на државата, затоа што приватниот пазарен интерес на газдите налага на крајот од равенката тие да имаат профит – поентираше пратеникот од Левица, Сашко Јанчев.
Според сегашната регулатива, универзалниот снабдувач со електрична енергија, а тоа е ЕВН Хоум, до 1 јули треба да основа нова фирма, ново друштво, да извади нова лиценца.
– Ако не го направи тоа, домаќинствата ќе се префрлат од регулиран пазар, каде што цената на струја е 60 евра по мегават, на слободен пазар, каде што цената е повисока – 95 евра по мегават. Значи, ќе има повисока цена и за да не се случи тоа, сега ги правиме овие интервенции во Законот – истакна Јанчев.
Пратеникот Јанчев дискутираше и за прашањето зошто универзалниот снабдувач не стигнал да си ги исполни законските обврски согласно со законските рокови и одлуки.
– Тоа е затоа што се чекаше согласност од Мицкоски. Се чекаше Мицкоски да се согласи дека ЕВН Хоум ќе биде универзален снабдувач со електрична енергија, наместо тоа да го прави домашен ентитет. Затоа, впрочем, тој во предизборието беше и на гости во Виена – појасни Јанчев.
Македонија
Предвиделе пругата кон Бугарија да биде најскапата во светот и да завршува во тунел без излез од другата страна, откри Николоски
Би сакал денеска да го отворам најголемото и најсуштинското прашање, а тоа е изградбата на третата фаза од железничкиот Коридорот 8. Според билатералниот договор помеѓу ЕУ и Република Македонија проценетата вредност на истата е 340 милиони евра, а самиот државен ревизор утврдува дека до денот на ревизијата вредноста е зголемена и проценета на 560 милиони евра што преставува зголемување во износ од 220 милиони евра, истакна министерот за транспорт, Александар Николоски на денешната прес конференција на тема: Ревизорски извештај за реализација на капитални инвестиции.
Тој потенцираше дека разликата помеѓу проценетата вредност утврдена со договорот на ЕУ и Република Македонија и тоа што во моментов е утврдено како проценета вредност е 220 милиони евра. Министерoт истакна дека се работи за изградба на 23,4 километри железница што според пресметките, 1 километар железница чини 24 милиони евра.
„Најважното за што јавноста до денес не е запозната, се работи за железничка пруга која што треба да оди од пред Крива Паланка до граница со Бугарија. Железничка пруга којашто поминува среде град, буквално поминува среде Крива Паланка, треба десетици а можеби и стотици куќи да се рушат, да се иселува население и најважното, завршува во тунел кој што нема крај. Ќе прашате зошто? Затоа што според проектот а и секако според законите, Вие можете да градите само на сопствена територија. Предвидено е поврзувањето со Бугарија да оди преку тунел, но тој тунел може да се изгради само до границата со Бугарија и истиот треба да го преземе и да го гради Бугарија од другата страна во услови кога Бугарија нема направено ни проект за железничко поврзување со Македонија“, потенцираше министерот Николоски.
Тој додаде дека времето на неодговорното трошење народни пари е завршено и дека нема да толерира појави на криминал и копруција.