Свет
Украина: Ако Русија распише референдум веќе нема да постојат шанси за преговори
Секој референдум за приклучување на украинските територии Русија ќе го уништи секој преостанат прозорец за преговорите за Киев и Москва, рече портпаролот на канцеларијата на украинскиот претседател.
„Без референдум сè уште постои најмалата шанса за дипломатско решение. По референдумот – не“, рече Сериј Никифоров.
Никифоров реагираше на плановите за референдуми за формално приклучување кон Русија кое го претставија назначените официјални лица од Русија во четирите освоени украински региони.
Советникот на украинскиот претседател Михајло Подолjак напиша дека во случајот со кој било референдум, економските санкции треба да бидат засилени од Русија, како и снабдувањето со оружје на Украина, вклучувајќи ги и ракетите АТАКМС, кои имаат поголем дострел од кој било систем на оружје што моментно го поседува Украина.
„Кремљ се спротивставува на снабдувањето со Украина со современи тенкови? Време е да ги добиеме“, рече Подолjак.
Министерот за надворешни работи на Украина Дмитро Кулеба рече дека референдумите нема да го променат фактот дека Русија е агресор.
„Русите можат да направат што сакаат. Но, тоа нема да смени ништо“, рече Кулеба во Њујорк, по средбата со американскиот амбасадор во ООН Линда Томас-Гринфилд.
„Русија беше и останува агресор кој нелегално зафаќа делови од украинската земја. Украина има право да ја ослободи својата територија и ќе продолжи да ја ослободува, без оглед на тоа што зборува Русија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.