Европа
Шпанскиот премиер: Путин е во војна со цела Европа, Русија губи
Шпанскиот премиер Педро Санчез изјави за „Политико“ дека Русија не е во војна само со Украина, туку и со целата ЕУ.
„Русија ја губи војната. Рускиот претседател Владимир Путин ја користи енергијата како воено оружје бидејќи е загрозен од вредностите на ЕУ“, изјави Санчез за „Политико“.
„Европскиот енергетски систем сега е пазар кој не функционира. Поучувајќи од моделот на пандемијата, зошто да не го централизираме купувањето гас, како што направивме со вакцините?“, праша шпанскиот премиер.
Европските политички лидери сега се соочуваат со значителна тензија помеѓу нивните ветувања за транзиција кон зелена енергија и потребата да ги задржат светлата и греењето вклучени како што се приближува зимата.
„Не користете ја оваа енергетска криза за да го блокирате напредокот во решавањето на климатската криза“, ги повика Санчез своите колеги водачи пред Генералното собрание.
Санчез вели дека со инвазијата на Украина, Русија им пркоси на клучните аспекти на меѓународниот поредок и самата Повелба на ОН.
„Ситуацијата што Русија ја создаде во Украина е главниот доказ дека ни е потребна силна реформа на системот на ОН“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.