Спорт
Доверливи документи докажуваат дека Меси барал невoзможни работи за да остане во Барселона
Лионел Меси во солзи ја напушти Барселона во летото 2021 година откако го помина речиси целиот свој живот во овој клуб. Меси и Барселона не постигнаа договор за продолжување на соработката, а потоа Аргентинецот потпиша за францускиот ПСЖ како слободен играч во август 2021 година.
„Ел Мундо“ објави доверливи документи и мејлови разменети меѓу Хорхе Меси и претставници на Барселона во кои е забележливо какви неверојатни биле барањата за да остане на „Камп Ноу“.
Од обичните работи, побарана е приватна ложа на „Камп Ноу“ за семејството Меси, како и за семејството на Луис Суарез, со кого е голем пријател и авион за целото семејство за патување во Аргентина за време на божиќните празници. .
Тој побарал и бонус од 10 милиони евра само за потпис и гаранција дека ќе му бидат исплатени сите пари што не ги добивал навреме од клубот во тешките денови со три отсто камата на сите пари.
Меси преку неговиот татко побарал и да му дозволат да го напушти клубот кога ќе посака и тоа за симболична сума од 10.000 евра. Требало да биде укината клаузулата од 700 милиони евра за заминување.
Преговорите за нов договор меѓу Меси и Барселона започнаа во 2020 година. Тие се водеа долго, а потоа изби познатата афера „бирофакс“ кога тој побара да го напушти клубот една година пред истекот на договорот вреден нешто повеќе од 555 милиони евра потпишан во 2017 година.
Меси тогаш остана во клубот, но една година подоцна клубот не можеше да му ги исполни желбите и тој реши да си замине и сега е член на ПСЖ.
Лионел Меси одигра 778 натпревари и постигна 672 гола во дресот на каталонскиот гигант, а во овој клуб стана еден од најдобрите играчи на сите времиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гасперини ќе остане во Аталанта
Тренер на Аталанта, Џанпјеро Гасперини изјави дека ја одбил понудата да го преземе Наполи на крајот од сезоната, пренесуваат италијанските медиуми.
Гасперини минатата недела со Аталанта ја освои Лига Европа. Клубот од Бергамо го победи Баер Леверкузен со 3:0 во финалето минатата среда во Даблин.
Гасперини објави дека ја одбил понудата на Наполи, бидејќи и следната сезона ќе биде тренер на Аталанта.
„Наполи ќе избере што е најдобро за него, јас сум приврзан за Аталанта и ќе останам тука. Сигурен сум дека Наполитанците ќе направат одличен тим, особено што веќе имаат силна база. Сепак, јас сум лојален на мојот клуб. Никогаш не сум кажал ништо друго, ниту сум отворил простор за некои дебати“, изјави Гасперини, кој има договор со Аталанта до 30 јуни 2025 година.
Аталанта веќе се пласираше во Лигата на шампионите. Клубот од Бергамо во неделата на домашен терен го победи Торино со 3:0 во натпреварот од последното, 38. коло во Серија А.
Спорт
Де ла Фуенте го објави списокот на Шпанија за ЕП
Шпанскиот селектор Луис де ла Фуенте објави спискот со 29 имиња, од нив 26. ќе ја претставуваат Шпанија на Европското првенство во Германија.
На списокот доминираат младите играчи на Барселона, тинеџерите Ламине Јамал, Пау Кубарси, Фермнин Лопез и малку повозрасните Феран Торес и Педри.
Шампионот Реал во националниот тим е застапен со тројца искусни фудбалери: Начо, Дани Карвахал и Хоселу.
Де ла Фуенте не го повика Марко Асенсио, кој сезонава имаше проблеми со повредите.
Најголемо внимание привлекува Хесус Навас 38-годишниот капитен на Севилја за кого ова ќе бде убава можност да се прости од националниот тим. Навас на крајт од оваа година ќе ја заврши кариерата.
Шпанија на ЕУРО 2024, во првата фаза ќе игра против Хрватска, Албанија и Италија.
Спиското на Шпанија за Европското првенство:
Голмани: Унаи Симон (Атлетик Билбао), Давид Раја (Арсенал), Алекс Ремиро (Реал Сосиедад)
Одбрана: Хесус Навас (Севилја), Дани Карвахал (Реал Мадрид), Робин Ле Норман (Реал Сосиедад), Ајмерик Лапорте (Ал Наср), Начо Фернандез (Реал Мадрид), Дани Вивијан (Атлетико Билбао), Пау Кубарси (Барселона), Алехандро Грималдо ( Баер Леверкузен), Марк Кукуреља (Челзи)
Среден ред: Мартин Зубименди (Реал Сосиедад), Родри (Манчестер сити), Микел Мерино (Реал Сосиедад), Фабијан Руиз (Пари Сен Жермен), Педри (Барселона), Маркос Љоренте (Атлетико Мадрид), Фермин Лопез (Барселона), Алеиш Гарсија ( Џирона), Алекс Баена (Виљареал)
Напад: Ламин Јамал (Барселона), Феран Торес (Барселона), Дани Олмо (Лајпциг), Нико Вилијамс (Атлетико Билбао), Ајозе Перез (Бетис), Алваро Мората (Атлетико Мадрид), Хоселу (Реал Мадрид), Микел Ојарзабал (Реал Сосиедад).
Спорт
Фонсека ќе биде новиот тренер на Милан
Пауло Фонсека (51) ќе стане нов тренер на Милан, објавија овој понеделник бројни италијански медиуми.
За Португалецот тоа ќе биде 11. клуб тренерска кариера и секако најголем, и покрај тоа што во минатото имал можност да ги предводи Порто и Рома.
Тој доаѓа на „Сан Сиро“ да го замени Стефано Пиоли откако претходно забележа извонредни резултати во две сезони со Лил и ја заврши Лига 1 како петти и четврти на табелата.
Фонсека ќе ги преземе Росонерите по убедливо најдолгиот период во кој еден тренер работел континуирано од заминувањето на Масимилијано Алегри во 2014 година по три и пол сезони во клубот.
Помеѓу него и Пиоли работеа дури пет тренери и никој не успеа да врзе цела сезона: Кларенс Сидорф, Филипо Инзаги, Синиша Михајловиќ, Кристијано Броки и Винченцо Монтела.
Пиоли му се приклучи на Милан во октомври 2019 година и помина речиси пет сезони во клубот. Освои една шампионска титула.
Се очекува Милан наскоро да ја официјализира соработката со стручњакот кој е роден во Мозамбик.
Медиумите на Апенините пишуваат дека доаѓањето на Фонсека во Милан е знак дека Антонио Конте ќе го преземе Наполи, со оглед на тоа што поранешниот селектор на Италија беше еден од кандидатите за наследник на Пиоли.