Свет
Зеленски по говорот на Путин: Не верувам дека Русија ќе употреби нуклеарно оружје
Украинскиот претседател Володимир Зеленски се огласи по говорот на Владимир Путин и рече дека не верува оти Русија ќе употреби нуклеарно оружје и покрај заканите.
Зборувајќи за германски „Билд“, Зеленски исто така го повика Западот да не дозволи Путин да ги уценува.
Според него, делумната мобилизација покажува дека Русија има „проблеми со офицерите и другиот воен персонал“.
„Тој (Путин) гледа дека неговите единици едноставно бегаат. Путин сака да ја удави Украина во крв, но и во крвта на сопствените војници“, изјави претседателот на Украина.
Украинскиот претседател не планира да се откаже од повторното заземање на териториите окупирани од Русија.
„Ќе постапуваме во согласност со нашите планови чекор по чекор. Сигурен сум дека ќе ја ослободиме нашата територија. Референдумите се лажни референдуми и 90 отсто од државите нема да ги признаат“, посочи Зеленски.
Во врска со индиректната закана на Путин за употреба на нуклеарно оружје, Зеленски рече дека не верува во тоа.
„Не верувам дека ќе употреби нуклеарно оружје. Мислам дека светот нема да му дозволи да го направи тоа. Но, не знаеме што се случува во неговата глава, така што има одредени ризици“, истакна Зеленски.
Сепак, тој смета дека не треба да се попушти пред заканите на Путин.
„Путин утре може да каже: освен Украина, сакаме и дел од Полска, во спротивно ќе користиме нуклеарно оружје. Не можеме да се согласиме на такви компромиси“, заклучи првиот човек на Украина.
Изјавите доаѓаат откога Путин најави делумна мобилизација во Русија и предупреди дека Москва ќе биде подготвена да ги искористи сите расположливи средства за да ја заштити територијата поради заканите од Западот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Четворица загинати, 29 повредени во израелскиот напад врз Јемен
Министерството за здравство на Хутите во Јемен објави дека четири лица се загинати, а 29 се повредени по денешните израелски напади.
Израел потврди дека започнал воздушни напади врз Хутите во Јемен, погодувајќи го пристаништето Рас Иса во четвртиот по големина град во Јемен, Ал Худајда.
Армијата соопшти дека неколку десетици авиони на израелското воздухопловство, вклучително и шпионски авиони и авиони за полнење гориво, учествувале во нападите врз позициите на милитантите лоцирани на околу 1.800 километри од Израел.
Нападите беа насочени кон локациите што ги користат Хутите за воени цели во Ал Худајда и блиското пристаниште Рас Иса во западен Јемен.
Снимките на социјалните мрежи, објавени од израелските медиуми, покажуваат како чад се издига од областа.
Yemen is burning pic.twitter.com/o2PG6FSYMY
— נועה מגיד | Noa magid (@NoaMagid) September 29, 2024
Хутите поддржани од Иран лансираа три балистички ракети кон Израел овој месец.
Свет
Демонстрантите се судрија со безбедносните сили во Пакистан
Демонстрантите се обидоа да маршираат до американскиот конзулат во Карачи, Пакистан, по убиството на лидерот на Хезболах, Хасан Насрала.
Толпата се судри со безбедносните сили додека се обидуваа да стигнат до конзулатот.
Полицијата употреби солзавец за да ги растера шиитските муслимани кои се приклучија на протестот.
Убиството на Насрала, кое го извршија израелските сили, предизвика шокови низ Либан и Блискиот Исток.
Лидерот на Хезболах беше доминантна политичка и воена фигура повеќе од три децении.
Свет
(Видео) Израелската армија нападна воени цели на Хутите во Јемен
Израелската армија потврди дека нападнала воени цели на Хутите во областите Рас Иса и Ходеида во Јемен.
Десетици авиони на израелските воздухопловни сили, вклучително и борбени авиони и шпионски авиони, учествуваа во нападите, соопшти израелската војска.
#اليمن.. لحظة انفجار خزان النفط في الحديدة بعد الغارة pic.twitter.com/B5yb2BCunf
— الثانية (@AlthanytA) September 29, 2024
Видеа од ужасниот напад кружат на Интернет, на кои се гледа како оган и чад се издигнуваат во далечината по израелскиот напад врз пристаништето Ходеида , контролирано од Хутите, пишува Тајмс оф Израел.