Македонија
Советот гласаше за ребаланс на буџетот на Општина Карпош
Во рамките на тринаесеттата седница на Советот на Општина Карпош, која се одржа денеска во просториите на Универзитетот за туризам и менаџмент – Скопје, советниците расправаа по 54 точки, кои се најдоа на дневниот ред.
Притоа советниците го поддржаа предлогот за измена и дополнување на буџетот на локалната самоуправа за 2022 година.
„Потребата од донесување на оваа одлука произлезе од релативно добрата реализација на приходите и расходите, во чија согласност се зголеми лимитот на вкупниот општински буџет во износ од 115.133.000 денари“, велат од Општината.
Според тоа, промени на износите на одредени ставки има во сите колони во консолидираниот буџет на Општината. Поточно, кај ставката социјални надоместоци извршено е зголемување на износот од 5.400.000 денари на 7.900.000 денари. Станува збор за зголемување на оваа ставка поради зголемен број барања од страна на граѓаните за социјална помош. Во програмата за уредување градежно земјиште извршено е зголемување од 9.300.000 на 11.300.000 денари, поточно за ставката за реконструкција на станбени објекти. Поврзано со капиталните трошоци од оваа ставка, извршено е зголемување од износ 20.700.000 денари на 32.300.000 денари заради потребата за изградба на инфраструктурни објекти за фекална и атмосферска канализација.
Како дел од потпрограмата за одржување на урбаната опрема, вкупниот износ е зголемен од 16.000.000 на 22.000.000 денари во насока на зголемената потреба за тековно, редовно и уредно одржување на урбаната опрема на територијата на локалната самоуправа. За одржување на јавното осветление, како и за исплата на зголемените сметки за електрична енергија за улично осветление, износот од 48.000.000 денари се зголемува на 67.000.000 денари. За одржување и заштита на локалните патишта на територијата на општина Карпош, досега предвидената финансиска рамка од 14.000.000 денари се зголемува на 20.500.000 денари.
Во потпрограмата за одржување и користење паркови и зелени површини износот од 9.000.000 денари се зголемува на 10.000.000 денари, со што ќе се употребат дополнителни средства за одржување на системите за наводнување и на други хортикултурни содржини.
За изградба и реконструкција на локални патишта и улици, износот од 46.819.000 денари се зголемува на 62.819.000 денари од причина што се потребни повеќе средства за исплата на судски решенија, како и за изградба и реконструкција на патната инфраструктура во Карпош.
Од областа на културните манифестации и творештвото за реализација на предвидената програма износот од 1.600.000 денари се зголемува на 1.800.000 денари.
Поради реалната потреба за реконструкција во основните училишта како дел од капиталните расходи од потпрограмата за образование, износот од 5.290.000 денари се зголемува на 6.890.000 денари.
Советниците од Карпош дадоа зелено светло и за прифаќање на донацијата од „Аутомотив груп“ ДООЕЛ Скопје во вид на поставување хоризонтална и вертикална сигнализација, како и изработка на основен сообраќаен проект за измена и дополнување режим на сообраќај на дел од улицата Прашка и утврдување режим на сообраќај на дел од улицата Дамаска. Вредноста на донацијата изнесува 199.526 денари, а проектот го изработи „ИНГ глобал инженеринг АВ“ ДООЕЛ Битола.
Со истата динамика советниците дадоа согласност за прифаќање на донацијата од Друштвото за производство, трговија и услуги „Ванила фуд“ ДООЕЛ Скопје во вредност од 29.570 денари. Имено, овие средства ќе бидат искористени за изведба на пристапна рампа за децата – ученици со инвалидитет од ООУ „Христијан Тодоровски-Карпош“.
Откако детаљно беа образложени материјалите, советниците ги усвоија и годишните извештаи за работата на општинските детски градинки и основни училишта за 2021/2022 година, како и годишните програми за работата на претшколските установи за 2022/2023 година. По претходно разгледување на комисијата за јавни дејности, советниците го поддржаа предлог-мислењето за програмите за изведување ученички екскурзии и други активности за 2022/2023 година за десетте основни училишта на територијата на општина Карпош.
Советот го усвои и извештајот од Комисијата за објавување јавен повик и спроведување постапка за доделување финансиска поддршка за поправка и санација на постојни лифтови, како и поставување нови лифтови во станбени згради за колективно домување на територијата на локалната самоуправа. Со одлука на советниците Општина Карпош еднократно ќе исплати финансиска помош во висина од 500.000 денари за санација на дел од оштетен покрив на зграда на улицата Јуриј Гагарин бр. 43.
Широка поддршка од советниците добија и предлог-програмите за измена и дополнување на програмите за активностите на Општина Карпош од областа на екологијата и енергетската ефикасност за 2022 година, од областа на развојот на општината за 2022 година, за уредување на градежното земјиште за 2022 година, за еднакви можности меѓу жените и мажите за 2022 година, како и на програмата од областа на детската, социјалната и здравствената заштита за 2022 година.
Со мнозинство гласови советниците дадоа согласност за потпишување меморандум за соработка помеѓу Општина Карпош и коалицијата на младински организации „Сега“. Основата за соработка на овој меморандум произлегува од потребата за воспоставување стратешка соработка со „Сега“ заради подобра имплементација на Националната стратегија за млади на РСМ 2016-2025 година. Меморандумот има цел да овозможи рамка за успешно спроведување на дел од мерките од тематските области, какви што се младинското учество и информирањето, локалната младинска работа, образованието, вработувањето и поддршката пред вработување, како и квалитетот на живеење, кои се дел од Националната стратегија за млади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Финализирана реконструкцијата на улицата Ѓорѓи Димитров
Со завршувањето на последната фаза од асфалтирањето, комплетно е финализирана реконструкцијата на улицата „Ѓорѓи Димитров“ во општина Кисела Вода.
default
„Со новото уредување се создава уреден сообраќаен пат- широк коловоз, нови тротоари, партерно уреден простор како и ново улично осветлување. Ова ќе придонесе за подобар проток, зголемена сообраќајна безбедност и многу поквалитетно секојдневие за жителите.
Реконструкцијата покрива потег долг околу 1200 м и широк 12 метри.
Проектот е обезбеден со поддршка од Владата на Република Македонија преку Програмата за капитални инвестиции“, соопшти општина Кисела Вода.
Македонија
Муцунски на состанок на групата „Пријатели на Западен Балкан“: истакната силната заложба на Северна Македонија за забрзување на пристапниот процес
Министерот за надворешни работи и надворешна трговија, Тимчо Муцунски, вчера во Виена учествуваше на состанокот на неформалната група „Пријатели на Западен Балкан“, одржан на покана на австриската министерка за европска и меѓународна политика, Беате Мајнл-Рајзингер.
На состанокот учествуваа министрите за надворешни работи на земјите членки на ЕУ кои се дел од групата „Пријатели на Западен Балкан“ – Австрија, Чешка, Грција, Италија, Словачка, Словенија и Хрватска – министрите за надворешни работи на земјите од регионот, како и високата претставничка на Европската унија за надворешни работи и безбедносна политика, Каја Калас.
Состанокот беше поделен во две тематски целини: работна сесија посветена на „Приоритетите во интеграцијата на Западен Балкан во ЕУ“ и работна вечера на тема „Енергетика, безбедност и интеграција во ЕУ“.
Во своето обраќање, министерот Муцунски ја истакна силната заложба на Северна Македонија за забрзување на пристапниот процес и продлабочување на политичкиот дијалог и практичната соработка со Европската унија во рамките на фазната интеграција. Тој нагласи дека процесот веќе носи конкретни резултати за граѓаните и економиите, преку спроведувањето на Планот за раст, забрзувањето на трговијата со „Зелените ленти“, приклучувањето кон SEPA и други иницијативи.
Министерот уште еднаш ја подвлече неопходноста од обезбедување предвидлива и кредибилна европска перспектива за Северна Македонија и регионот, истакнувајќи ја цврстата посветеност на државата кон Европскиот пат преку спроведување на реформите, високата усогласеност со заедничката надворешна и безбедносна политика на ЕУ, континуираниот придонес кон европската безбедност и поддршката за Украина. Тој оцени дека овие резултати ја потврдуваат зрелоста на земјата како доверлив и предвидлив партнер на Унијата. Воедно укажа дека политичките блокади кои не се засноваат на европските критериуми го поткопуваат кредибилитетот на проширувањето и се спротивни на основите на европскиот проект.
Муцунски истакна дека е неопходно суштинско забрзување на процесот преку подобра синхронизација на пристапните преговори со фазната интеграција, поинтензивно вклучување на кандидатите во секторски политики на Унијата и намалување на административните бариери. Тој оцени дека комуникацијата со европската јавност мора значително да се подобри, особено во делот на информирањето за придобивките од проширувањето и неговата важност како инвестиција во заедничката безбедност, економскиот раст и долгорочната стабилност.
Во делот на енергетските теми, министерот ја нагласи важноста од заеднички пристап кон енергетската безбедност, диверзификација на изворите, пристап до обновливи енергии и подлабока интеграција на земјите од регионот во европскиот енергетски пазар, посочувајќи дека ова е клучно за економската конкурентност и стратешката отпорност на континентот.
Македонија
Заев, Филипче и Николовски директно ја загрозиле националната безбедност, не смее никој да се дрзне да отпишува 2.000 тони пченица во криза, велат од ВМРО-ДПМНЕ
Триото Заев, Филипче и Николовски во ек на криза функционирало како врзан систем на крвни садови, креирале коруптивна шема и директно ја загрозиле националната безбедност со игрите со стоковите резерви, со отписот па со купувањето на прескапа пченица, велат од ВМРО-ДПМНЕ.
„Заев, Филипче и Николовски директно ја загрозиле националната безбедност во услови на криза а намалувањето на стоковните резерви претставува директно загрозување на националната безбедност и не смее никој да се дрзне да отпишува 2.000 тони пченица во криза.
Во секој потег на Заев, Филипче и Николовски од нивната шема се отвара сомнеж за сериозни злоупотреби, корупција и огромен профит. Од отписот на жито, прескапата набавка до доделениот грант.
Отпишале 2.000 тони пченица, отвориле 2 тендери за 20.000 тони жито што го платиле 1,3 милиони, по поскапа цена и како гратис услуга Николовски издејствувал 1,4 милиони грант за „Мамас“ на кланот Заеви“.
Николовски во 2022 година, појаснуваат од владејачката партија, направил набавка на 20.000 тони жито, по отписот на кусокот што го потпишале Заев и Филипче но набавките за житото биле поскапи за цели 1,3 милиони евра.
Според ВМРО-ДПМНЕ, 20.000 тони пченица државата ја чинело 532 милиони денари или 8,6 милиони евра, односно еден тон жито бил 26,625 денари, а килограм 26,6 денари.
„Но, пченицата била набавена од Србија, цената на берзата во Нови Сад била 20,5 денари, дополнително трошоци за транспорт од 1,5 до 2 денари по килограм се доаѓа до цена од 22,5 денари, што е за цели 4 денари помалку од оние кои државата ги платила поради Љупчо Николовски, Заев и Филипче, или 1,3 милиони евра повеќе пари биле потрошени на граѓаните.
Николовски да каже зошто државата платила 1,3 милиони евра поскапа сума за житото во стоковите резерви? Кој се ќарил од набавката на жито и колкав процент? Дали грантот за Тргопродукт од 1,4 милиони евра е подарок и контра услуга на Заев“.
ВМРО-ДПМНЕ бара ЈО и ДКСК да отворат постапки и сериозно да го истражат случајот.
Путин: Подготвен сум за војна со Европа; Америка: Ќе бидете добро со помалку наши војници
Намалувањето на бројот на американски војници во Европа нема да ја загрози одбраната на континентот, изјави во вторник врховниот командант...
Медиумите: Дронови забележани во близина на рутата на летот на Зеленски на пат кон Даблин
Ирската морнарица забележала околу пет дронови кои дејствувале во близина на рутата на летот на украинскиот претседател Володимир Зеленски за...
Трамп сакаше да отпушти 250 вработени во Стејт департментот, судот ја блокира неговата одлука
Одлуката на американското Министерство за надворешни работи за отпуштање на околу 250 вработени беше блокирана на суд во четврток, што...
(Видео) Американската војска разнесе брод во Пацификот, објавена снимка од нападот
Американската војска вчера изврши нов напад врз брод за кој тврди дека превезувал дрога во крајбрежните води на Латинска Америка,...
Медведев за контроверзниот европски план: Ова може да биде повод за војна
Шефот на рускиот Совет за безбедност и поранешен руски претседател Дмитриј Медведев вчера предупреди дека користењето на замрзнатите руски средства...
Висок функционер: Нема знаци на напредок кон прекин на огнот во Украина
Висок претставник на Обединетите нации за Украина предупреди дека војната во Украина се влече без знаци на напредок кон прекин...
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
