Регион
Абазовиќ: Ќе гласаме за разрешување на Ѓукановиќ, 30 години сме заложници на еден човек
„Мислам дека во Собранието треба да се изгласа иницијативата за разрешување на претседателот Мило Ѓукановиќ бидејќи со тоа се испраќа важна политичка порака, а прашање за адвокатите е дали може да се операционализира поради ситуацијата со Уставниот суд“ – рече техничкиот премиер на Црна Гора, Дритан Абазовиќ.
Тој за „Гласот на Америка“, по неговото прво обраќање пред Генералното собрание на ОН, изјави дека на овој начин парламентот треба да испрати јасна порака за тоа што мисли за претседателот на државата.
„Тоа е многу важна политичка порака, дали може да се операционализира поради ваквиот Уставен суд, тоа сега е сомнително прашање за адвокатите, но дефинитивно 30 години бевме заложници на еден човек и сега треба да продолжиме да бидеме заложници“ – додаде Абазовиќ.
На прашањето зошто не ја поддржува иницијативата за скратување на мандатот на Собранието доколку сака избори, Абазовиќ одговори дека не може да се дозволи Ѓукановиќ да ја води играта.
Според неговото мислење, оваа иницијатива нема никаква врска со тоа кога ќе се одржат изборите. Дефинитивно мораме да имаме избори“, рече Абазовиќ и изјави дека мнозинството ќе одлучи кога ќе се одржат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.