Спорт
Билиќ ќе го преземе Вотфорд
Славен Билиќ (54) е блиску до нова работа, пишува британски „Телеграф“. Поранешниот хрватски селектор би требало да го преземе Вотфорд, член на Чемпионшип дивизијата.
Вотфорд штотуку го отпушти менаџерот Роб Едвардс, а Билиќ е првиот кандидат за негов наследник. Вотфорд во моментов е десетта екипа во Чемпионшип со учинок од три победи, пет нерешени и два порази. Целта на клубот е веќе оваа сезона да обезбеди враќање во Премиер лигата, а тоа ќе биде примарна задача на Билиќ.
Билиќ минатиот месец во интервју за „Телеграф“, изјави дека ја чека вистинската понуда, поради што го одбил грчкиот великан Олимпијакос.
Вотфорд минатата сезона испадна од Премиер лигата, а во оваа сезона ги задржа главните ѕвезди како Исмаила Сар и Жоао Педро.
Последниот ангажман на Билиќ беше во кинескиот Пекинг Гуан. Во Англија ги водеше Вест Хем и ВБА, со кои во сезоната 2019/2020 избори пласман во Премиер лигата. Билиќ во својата кариера ги водеше и Хајдук, У-21 и сениорската репрезентација на Хрватска, Локомотив Москва, Бешикташ и Ал-Итихад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Чурлинов во 98.минута погоди за триумф на Јагелонија во Копенхаген
Јагелонија со победа ги започна натпреварите во Конференциската лига, благодарение на македонскиот репрезентативец Дарко Чурлинов.
Полскиот тим направи изнеандување бидејќи со пресврт победи во Копенхаген. Голот за победа го постигна Чурлинов во 98.минута.
Чурлинов на натпреварот не беше стартер и во игра влезе во 55. минута.
Инаку, Копенхаген до предност дојде преку Хатзидиакос во 12.минута, а резултатото во 51.минута го изедначи Пулулу.
GOAL🇪🇺 | København 1-2 Jagiellonia | Darko Churlinov pic.twitter.com/JWW64zubS8
— Kevin Highlights. (@abongo_jr) October 3, 2024
Спорт
Веспрем е светски клупски првак
Ракометарите на Веспрем победија на 17. издание на Светското клупско првенство. Натпреварот се одигра во престолнината на Египет, Каиро.
Веспрем во финалето славеше над минатогодишниот шампион, Магдебург. Натпреварот во регуларниот дел заврши 28:28, на крајот Веспрем славеше 34:33.
За тимот од Унгарија ова беше прва титула светски клупски шампион.
Во победата блескаа француските репрезентативци Фабрегас со девет и Ремили со осум гола.
Најдобар кај Магдебург беше Омар Магнусон кој постигна седум гола.
Спорт
(Видео) Мегваер херој – Јунајтед во Порто испушти водство 0:2
Комплетирано е второто коло во Лига Европа, а во дербиto Порто и Манчестер jунајтед ремизираа 3:3 (2:2) на „Драгао“.
Овој натпревар може да биде последен за Ерик тен Хаг, бидејќи Јунајтед има само два бода по две кола во Лигата на шампионите, против Порто „црвените ѓаволи“ испуштија предност од два гола, а бод спасија во 91.минута.
Веќе во седмата минута погоди Маркус Рашфорд, а истиот играч му асистираше на Расмус Хојлунд во 20. минута за 0:2.
Сепак, ниту тоа не вредеше бидејќи само осум минути му беа доволни на Јунајтед да прими два гола.
Најпрвин Пепе постигна гол во 27. минута за 1:2, а Саму Омородион израмни во 34. минута.
Порто продолжи да игра уште поофанзивно и тоа им донесе резултат во 50. минута, кога Саму Омородион со својот втор гол направи целосен пресврт.
Манчестер Јунајтед не успеа да најде одговор по тој колапс, а се изгледаше завршено во 81. минута кога Бруно Фернандеш доби втор жолт картон. Капитенот на Манчестер јунајтед втор натпревар по ред доби црвен картон.
Две минути подоца Гул имаше шанса да го реши мечот, меѓутоа Онана излезе како победник во дуелот „еден на еден“.
Казната Порто го стигна во 91. минута кога Хари Мегваер изедначи на 3:3.
Најголемото изненадување го припреди Елфсборг. Шведскиот тим со голот на Баиду од пенал ја победи Рома.
Резултати:
Бешикташ – Ајнтрахт 1:3 (0:2)
/Масуаку 93 – Мармус 19п, Ебимбе 22, Кнауф 82/
Твенте – Фенербахче 1:1 (1:0)
/Клапа 29 – Тадиќ 71/
ПАОК – ФЦСБ 0:1 (0:1)
/Бирлигеа 45+8/
Атлетик Билбао – АЗ Алкмар 2:0 (0:0)
/Вилијамс 72, Сансет 86/
Сен Жилоа – Боде Глимт 0:0
Пилсен – Лудогорец 0:0
Ренџерс – Лион 1:4 (1:3)
/Лоренс 14 – Фофана 10, 55, Лаказет 19, 45/
Елфсборг – Рома 1:0 (1:0)
/Baidu 44/