Свет
Си-ен-ен за бегството од Русија: 16-километарска колона на границата со Грузија, илјадници одат во Финска

Сателитските снимки објавени од Maxar Technologies покажуваат долги редови на руската страна на границата со Грузија. Од Максар велат дека прикажуваат сообраќајна колона од околу 16 километри северно од граничниот премин кој бил формиран во неделата и додаваат дека „метежот најверојатно продолжил и понатаму северно од снименото подрачје“.
Си-ен-ен претходно во понеделникот објави дека фотографиите и снимките од руско-грузискиот граничен премин што кружат на социјалните мрежи покажуваат долги редови низ планинскиот премин.
Снимките со беспилотни летала од областа во понеделникот сугерираат дека стотици возила се собрани на руска страна, а очевидци велат дека луѓето чекаат до 48 часа за да преминат во Грузија.
Неколку слики покажуваат дополнителни руски безбедносни сили кои пристигнуваат на границата со оклопен транспортер.
Редици се создадени на преминот Верхни Ларс од Северна Осетија кон Грузија и други гранични премини откако претседателот Владимир Путин објави делумна мобилизација минатата недела.
#SatelliteImagery from September 25, 2022 shows a large traffic jam of vehicles leaving #Russia and attempting to cross the border into #Georgia, at the Lars checkpoint, following Russian President Putin’s mobilization order for the war in #Ukraine. pic.twitter.com/iHUsC8hYs2
— Maxar Technologies (@Maxar) September 26, 2022
На видеата се гледаат семејства и бројни мажи меѓу оние кои чекаат да го преминат Веркни Ларс. Стотици луѓе се приближуваат до преминот пеш, влечејќи куфери.
Поради ненадејниот прилив, опозицискиот политичар Нона Мамулашвили во Грузија изјави за Си-ен-ен дека „ја поттикнуваат владата да воведе визи и/или да ги затвори границите“.
Меѓутоа, во моментов, се чини дека границата е сè уште отворена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина денеска треба да разменат затвореници

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор запознаен со преговорите.
Ќе бидат разменети вкупно 492 војници – 246 од двете страни, како и уште 46 ранети украински војници.
За време на војната Русија и Украина со посредство на ОАЕ веќе разменија вкупно 3.233 воени заробеници
Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.
Свет
Русија: Украинците подготвуваат крвава провокација во пресрет на Велигден

Украинските вооружени сили и специјалните служби подготвуваат провокација во пресрет на Велигден во Харковската област со цел да ги дискредитираат руските војници, тврди Виталиј Ганчев, шеф на сепаратистичката администрација на Харковската област.
„Според оперативните информации што ги добивме, украинската страна подготвува крвава провокација со цел да ја дискредитира Русија во пресрет на Велигден. Имајќи ги предвид горенаведените информации, ги повикувам сите сериозно да ја сфатат оваа изјава и, доколку е можно, да не ги напуштаат своите домови на 19 и 20 април и да не одат на празнични настани и места за масовно собирање на луѓе“, изјави Ганчев за ТАСС.
Според него, слични провокации се подготвуваат и во Дњепропетровската и Полтавската област.
Овој потег доаѓа откако украинскиот претседател Володимир Зеленски предупреди дека Русија подготвува нови напади врз енергетската инфраструктура на Украина пред и по Велигден, повикувајќи се на информации од украинските разузнавачки служби, пренесуваат светските медиуми.