Спорт
Рекордна 21 трка – Мото ГП го објави календарот за 2023
Елитната светска организација Мото ГП го објави својот прелиминарен календар на трки за сезоната 2023 година. Наредната сезона нема да се вози трката за Големата награда на Арагон, што значи деаШпанија сега ќе има „само“ три трки во календарот.
Исто така, трката во Каталуња е поместена за септември, а претходно беше познато дека сезоната ќе биде отворена во Португалија бидејќи патеката Лосаил во Доха, Катар се реновира.
Новитет во 2023 година ќе бидат трките во две азиски земји – Казахстан и Индија.
Забележливо е и дека сезоната ќе заврши многу подоцна од претходните години.
Еве ја комплетната листа на трки за 2023 година:
1) Португалија – 26 март;
2) Аргентина – 2 април;
3) „Америкас“ САД, Остин – 16 април;
4) Шпанија, Херез – 30 април;
5) Франција – 14 мај;
6) Италија, Муџело – 11 јуни;
7) Германија – 18 јуни;
8) Холандија – 25 јуни;
9) Казахстан – 9 јули;
10) Велика Британија – 6 август;
11) Австрија – 20 август;
12) Каталонија – 3 септември;
13) Ривиера Сан Марино и Римини – 10 септември;
14) Индија – 24 септември;
15) Јапонија – 1 октомври;
16) Индонезија – 15 октомври;
17) Австралија – 22 октомври;
18) Тајланд – 29 октомври;
19) Малезија – 12 ноември;
20) Катар – 19 ноември (ноќна трка);
21) Валенсија – 26 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).