Спорт
Сколс го пофали Тен Хаг за одлуката Мегваер да биде резерва

Поранешниот играч на Манчестер јунајтед, Пол Сколс верува дека тренерот Ерик Тех Хаг ја направил вистинската работа со капитенот Хари Мегваер. По двата последователни порази на стартот од Премиер лигата, Холанѓанецот реши да го пресели капитенот на клупата, потоа Јунајтед започна да победува.
Тимот од „Олд Трафорд“, победи на четири од следните пет натпревари, а Мегваер продолжи со лошите партии, но во дресот на репрезентацијата на Англија.
Селекторот на Англија Герет Саутгејт и покрај грешките што ги направи против Германија, смета дека Мегваер е „еден од најдобрите играчи во Англија“. Сколс има поинакво мислење.
„Охрабрен сум од она што го видов од Тен Хаг досега. Многу работи смени по поразот од Брентфорд. Едноставно кажа, нема повеќе да играме од првата линија. Дајте им ја топката напред на најдобрите играчи. Го стави во центарот Кристијан Ериксен кој знае да дели топки. Мораше да го остави надвор од тимот Хари Мегваер. Тоа е храбра одлука, тој е храбар менаџер“, изјави Сколс.
Јунајтед има пеколен распоред во октомври.
„Црвените ѓаволи“ ќе одиграат девет натпревари за 28 дена, а првиот голем тест е во недела кога во градското дерби му гостуваат на Манчестер сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Францускиот дефанзивец Жил Кунде (26) го продолжи договорот со Барселона до 30 јуни 2030 година, објави каталонскиот клуб.
Финансиските детали не се откриени, а во соопштението за медиумите се наведува дека покрај Кунде, на церемонијата за продолжување на договорот присуствувале и претседателот на Барселона, Жоан Лапорта, првиот потпретседател Рафа Јусте, спортскиот директор Деко, координаторот Бојан Кркиќ…
Кунде беше еден од најважните играчи во тимот на Ханси Флик минатата сезона, бидејќи имаше 53 настапи во сите натпреварувања, постигна и четири гола со осум асистенции.
Французинот е член на Барселона од 2022 година, а пред тоа играше за Севилја и Бордо. Одигра 142 натпревари за каталонскиот клуб и постигна седум гола.
Одигра 42 натпревари за француската репрезентација.
Foto/ EPA
Спорт
Димитревски пред преселба во Леванте

Голманот на фудбалската репрезентација на Македонија ќе остане во Валенсија но ќе го смени клубот. Столе ќе го облече дресот на Леванте, клуб сезонава се врати во Примера.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул. Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија на позајмица го донесе Хулен Агирезабала од Атлетик Билбао.
По овој потег што го повелекова „лилјаците“ беше јасно дека Димитриевски ќе замине од „Местаља“.
Договорот меѓу голманот и Леванте треба да биде официјализиран во наредните денови.
Foto/ „X“
Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин