Свет
Земјите од ЕУ координирано ги повикуваат руските амбасадори на консултации
Земјите од Европската Унија почнаа да ги покануваат руските амбасадори на консултации, како дел од координиран одговор на руската анексија на украински територии, изјави денеска претставник на ЕУ за ДПА.
Германија го повикала рускиот амбасадор во Берлин, потврди германското Министерство за надворешни работи за ДПА. Руските амбасадори во Италија, Австрија и Данска во понеделник беа поканети на разговори во Министерството за надворешни работи. Белгија веќе го покани рускиот амбасадор во петокот.
Овој потег беше координиран од Европската служба за надворешни работи, изјави за ДПА извор од дипломатијата на ЕУ.
Рускиот претседател Владимир Путин во петокот прогласи анексија на четири украински региони – Доњецк, Луганск, Херсон и Запорожје – откако Русија одржа референдуми на окупираните територии на Украина.
Западните влади и Киев рекоа дека референдумите го прекршуваат меѓународното право и дека се принудни и нерепрезентативни.
Францускиот претседател, Емануел Макрон, во телефонски разговор со претседателот Володимир Зеленски ја повтори поддршката на неговата земја за Украина.
Макрон го увери својот украински колега во решеноста на Франција да и помогне на Украина да го врати целосниот суверенитет и територијален интегритет и да соработува со европските партнери за новите санкции, објави Елисејската палата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во неговото креветче и веднаш повикале помош, но веќе било доцна.
Медицинскиот персоналнал направил се, за да го реанимира бебето, дури го пренеле во најблиската болница Форнароли во Магента, но не можеле ништо да направат за да го спасат детето.
Момчето починало во истата болница каде што било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи Аналена Бербок изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер напади врз СДП и германски компании од секторите на одбраната, авијацијата и информатичката технологија.
Свет
Во просторијата во која требало да се состане полската влада биле пронајдени уреди за прислушување
Полските безбедносни служби пронајдоа и демонтираа уреди за прислушување во просторијата во која денеска треба да се состане министерскиот совет, изјави портпаролот на координаторот на специјалните служби.
Полска, центар на западните воени резерви на Украина додека Киев се бори против руската инвазија, е во состојба на висока готовност за какви било знаци на шпионска активност.
„Службата за државна заштита, во соработка со Агенцијата за внатрешна безбедност, откри и демонтира уреди што може да се користат за прислушување во просторијата во која денеска треба да се одржи состанокот на Советот на министрите“, напиша Јацек Добржински на социјалната мрежа „Икс“.
„Службите спроведуваат понатамошни активности во врска со ова прашање“, додаде Добржински.
Вчера, владата соопшти дека истражува дали полски судија, кој имал пристап до доверливи информации и барал политички азил во Белорусија, шпионирал.