Спорт
Наполи го посрамоти Ајакс пред своите гледачи, Барса падна на „Сан Сиро“
Наполи стигна до најневеројатната победа во третото коло во Лигата на шампионите, доминирајќи на гости во Амстердам за 1:6 победа над Ајакс, а вечерта беше добра и за нивните италијанските ривали, Интер, кои издржаа за 1:0 победа над Барселон во дербито на мечот.
Ливерпул се врати на победите со 2:0 победа над Глазгов Ренџерс на „Енфилд“, но Атлетико Мадрид загуби со 2:0 на гостувањето кај Клуб Бриж во два интересни дуели.
На „Амстердам арената“, домаќините поведоа по само 9 минути со голот на Кудус, но тоа беше единственото што беше за славење за „копјаниците“. Џакомо Распадори израмни во 18. минута, Џовани ди Лоренцо стрелаше во 33. минута, а Пјотр Зиелински со гол во финишот на полувремето осигура 1:3 предност на полувреме. Но, „партенопеи“ не застанаа тука – Распадори во 47. минута зголеми на 1:4, а Квича Кварацхелија во 63. минута даде гол, па замина на клупата за и Елиф Елмас да добие шанса. Навивачите на Ајакс почнаа да си одат од стадионот, а капитенот Душан Тадиќ доби втор жолт картон во 73. минута, за Џовани Симеоне во 84. минута да го компетира фантастичниот триумф.
Интер, пак, и покрај постојаната иницијатива на Барса, успеа да стигне до 1:0 победа над Барселона во големото дерби. Хакан Чалханоглу со прекрасен гол во самиот финиш на првото полувреме им донесе важна предност на „нераѕурите“, која со помош на ВАР системот ја заддржаа во второто. Педри постигна гол во 67. минута, но беше поништен поради претходно играње со рака, за потоа во 91. минута, ВАР да реагира за да нема пенал за гостите при играње со рака. Победата доаѓа како мелем за тренерот Симоне Инзаги, кој беше под притисок по слабат форма во Серија А.
Ливерпул на „Енфилд“, поведе со прекрасниот гол на толку критикуваниот Трент Александер-Арнолд по само седум минути игра, пред Мохамед Салах да ја потврди победата со гол од пенал во 53. минута. Клуб Бриж, пак, стигна до голема 2:0 победа над Атлетико Мадрид со головите на Совах (36.) и Џуглта (62.). И Порто стигна до важна 2:0 победа над Баер Леверкузен, додека Ајнтрахт Франкфурт и Тотенхем одиграа здодевно 0:0 реми.
ЛИГА НА ШАМПИОНИ, 3.КОЛО, ПО ПРВО ПОЛУВРЕМЕ
ГРУПА А
Ливерпул – Глазгов Ренџерс 2:0
Ајакс – Наполи 1:6
ГРУПА Б
Клуб Бриж – Атлетико Мадрид 2:0
Порто – Баер Леверкузен 2:0
ГРУПА Ц
Интер – Барселона 1:0
ГРУПА Д
Ајнтрахт Франкфурт – Тотенхем 0:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.