Македонија
СДСМ: ВМРО-ДПМНЕ да ги деблокира законите за енергетика и за помош во време на криза
![](https://makfax.com.mk/wp-content/uploads/2022/09/thumbnail_FB_IMG_1663319026847.jpg)
Во период на светска економска и енергетска криза нема време за собирање ситни политички поени, туку е потребна посветеност и работа од сите општествени и политички фактори. Затоа, потребно е ВМРО-ДПМНЕ да покаже конструктивност и да почне со работа во интерес на граѓаните, соопшти СДСМ.
„Партијата предводена од Христијан Мицкоски во Собранието треба да ги деблокира законите што ги кочи со месеци, а се во интерес на граѓаните и полесно пребродување на енергетската криза.
Во соодветните комисии и на пленарните седници треба да биде деблокиран Законот за задолжувањето во Европската банка за обнова и развој од 100 милиони евра, кој обезбедува ликвидни средства по исклучително поволна каматна стапка за работењето на ЕСМ во услови на криза.
Потоа Законот за енергетиката и неговите соодветни измени и Законот за нафтата и нафтените резерви, како и за спроведување на одлуката за распределба на финансиски средства, односно кратење финансиски средства во деловите на буџетот, кои се со помал процент на исполнетост, и нивна прераспределба кон ставки што се однесуваат на справување со енергетската криза.
Справувањето со последиците од кризата бара заедничка работа и посветеност, еве можност ВМРО-ДПМНЕ да покаже конструктивност и да стане дел од процесот на решенија за надминување на последиците од кризата“, додаваат од владејачката партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Претежно сончево со мала локална облачност, температури до 40 степени
![](https://makfax.com.mk/wp-content/uploads/2022/08/vreme-soncevo-960x640.jpg)
Претежно сончево со мала локална облачност и многу топло со слаб до умерен северен ветер. Минималната температура ќе биде во интервал од 14 до 21, а максималната ќе достигне од 34 до 40 степени. UV=9
Во Скопје сончево и многу топло со мала облачност и со слаб ветер од северен правец. Минималната температура ќе се спушти до 19, а максималната ќе достигне до 40 степени.
Нашето подрачје и понатаму ќе биде под влијание на многу топла воздушна маса од југ поради што времето ќе биде претежно сончево и натпросечно топло. Утринската температура наместа нема да се спушта под 20 степени, а максималната дневна насекаде ќе биде над 30, а наместа и 40 степени. Недела попладне ќе услови за локална појава на пороен дожд, грмежи и засилен ветер.
Македонија
Зголемена фреквенција за излез од државата, се чека околу 45 минути
![](https://makfax.com.mk/wp-content/uploads/2024/06/granica-bogorodica-1.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини Богородица, Дојран, Меџитлија и Табановце има зголемена фреквенција за излез од државата, времето на чекање е околу 30 – 45 минути.
На останатите гранични премини од македонска страна, нема подолги задржувања за влез и излез од државата.
Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост – влез во Богданци, сметано од 24.06.2024 година ќе биде поставен времен режим на сообраќај.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Посебен режим на сообраќај во Скопје денеска и утре
![](https://makfax.com.mk/wp-content/uploads/2022/01/bit-pazar-2-mavrovka.png)
Денеска и утре, по повод верскиот празник Задушница, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.
Имено, од 6 часот денеска и утре, сообраќајот кон Градските гробишта „Бутел“ ќе се одвива во една насока (кружно), односно сите возила ќе се упатуваат по улицата Бутелска, лево по улицата Александар Урдаревски, лево по улицата Боца Иванова и десно до влезот на гробишта „Бутел“, а за излез од гробиштата десно по улицата Боца Иванова до кружниот тек на улицата Бутелска, па лево по улицата Бутелска и десно по улицата Кемал Сејфула.
Посебен режим на сообраќај ќе се воведе и во околината на гробишта „Камник“ и во Ѓорче Петров. МВР апелира до граѓаните да ги почитуваат наредбите што ги издаваат полициските службеници на сообраќајниците опфатени со посебниот режим на сообраќај.