Спорт
Барикело ги откри деталите за скандалот во Австрија во 2002 година

Рубенс Барикело, поранешен возач на Ферари, по две децении откри како се чувствувал по трката за Големата награда на Австрија, кога тимот му нареди да му ја подари победата на Михаел Шумахер.
Бразилецот бил лут, но на крајот морал да ги прифати тимските наредби. Како што вели, тоа го направил на свој начин, за целиот свет да може да го види срамот на Ферари.
„Осум круга се расправавме, бев бесен, ме принудија. Им реков „Во ред, ќе го направам тоа, но ќе го направам тоа пред сите“. Во животот треба да ги гледате работите од различни перспективи.Во моментот кога сфатив дека работите нема да се променат и дека нема да ме третираат онака како што заслужувам, го напуштив тимот, си заминав една година пред крајот на мојот договор“, се присети Барикело, кој се пензионираше во 2012 година.
Токму поради овој инцидент ФИА ги укина тимските наредби и одлучи комуникацијата меѓу возачот и тимот да биде јавна, односно да може сите да ја слушнат.
„Излегов од автомобилот и повраќав од лутина. Не можев да поверувам. Сите денес знаат што се случи, но еве, ќе ви кажам. Слично беше и во 2001 година, тогаш Мекларен беше пред мене. Мајкл беше трет, добив инструкции да ги замениме позициите, а потоа ги прашав „Дали би го направиле тоа ако јас бев прв“, тие ми рекоа дека во тој случај нема да бараат од мене да го направам тоа“, откри Барикело за „Flew podcast“.
Публиката во Австрија наместо да слави и аплаудира, ја исвирка победата на Шумахер. ФИА за овој инцидент го казни Ферари со милион долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челси, тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer