Македонија
Герасимовски: КК Работнички ја враќа славата, клубот потпиша спонзорство со српски МТЕЛ

Општинскиот кошаркарски клуб „Работнички“ добива сериозен спонзор со кој повторно ќе освојува пласмани на домашната сцена. Градоначалникот на Општина Центар Горан Герасимовски денеска присуствуваше на потпишувањето на четиригодишниот договор меѓу МТЕЛ, членка на групацијата Телеком Србија и КК Работнички Скопје.
„Станува збор за ново поглавје, ново партнерство на нашиот најтрофеен клуб, најголемиот бренд на Центар и еден од најпрепознатливите спортски колективи во Скопје, КК Работнички со една од најуспешните компании во регионот, српската МТЕЛ. Моја заложба како градоначалник, но и како центарец, е повторно да го вратиме клубот на старите победнички патеки. Со обезбедувањето на ова спонорство од МТЕЛ, обезбедуваме подобра и сигурна иднина на нашиот најтрофеен кошаркарски колектив“, изјави Герасимовски.
Претседателот на Владата, Димитар Ковачевски истакна дека во ова тешко време кога во фокус е животниот стандард треба да се инвестира во проекти кои носат радост и гордост кај сите граѓани.
„Денес целата спортска јавност треба да ја поздрави деловната одлука на МТЕЛ да стане генерален спонзор на еден од најтрофејните македонски спортски клубови. Во услови на европска енергетска и економска криза на граѓаните им требаат моменти кога треба да се навива, да се почувствува слободата и да се присуствува на спортски натрепревари. Како Влада и понатаму ќе продолжиме активно да создаваме услови компаниите да продолжат со донации и спонзорства да го поддржуваат спортот“, истакна премиерот Ковачевски.
Генералниот директор на МТЕЛ Марко Лопичиќ истакна дека компанијата го поддржува спортот во неколку држави и таа пракса ја проширува во Македонија.
„Како што веројатно знаете и сами Телеком Србија во Србија, како и нашите компании во Босна и Херцеговина и Црна Гора, од своето основање го поддржуваат спортот и на аматерско и на професионално ниво, поради тоа решивме таа позитивна деловна пракса да ја пренесеме и во Македонија. Се надевам дека ова спонзорство ќе овозможи на кошаркарите и стручниот штаб на Работнички да работат и да се натпреваруваат во уште подобри услови и дека резултатите во сезоната која што е пред нас ќе бидат уште подобри“, нагласи извршниот директор на Мтел, г-динот Лопичиќ.
За директорот на Телеком Србија Владимир Лучиќ, потпишаното спонзорство е најдобар доказ за стратешката посветеност во спортот.
„Денешното потпишано спонзорство, како и сите други планови и инвестиции кои ги имаме во Македонија, се најдобар доказ за нашата стратешка посветеност на овој пазар и сигурен знак дека сите наши соработка и идни корисници, како и Владата на Република Северна Македонија, во нас имаат сигурен партнер“, истакна Лучиќ.
Директорот на КК Работнички, Горан Веселиновски кој целата своја играчка кариера ја помина во клубот рече дека чувствува обврска да помогне КК Работнички повторно да се врати на врвот.
„Знам дека приказната на КК Работнички е долга и бурна, со подеми и падови, но во овој момент јас верувам дека заеднички ќе го создадеме нејзиниот среќен крај“, рече Веселиновски.
Подобрување на состојбата во КК Работнички беше дел од предизборното ветување на градоначалникот Герасимовски. Овој догорор за Општина Центар и центарци значи напорна работа се до ново подигнување на шампионскиот пехар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Земјотресот на Света Гора почувствуван и во Македонија

Силниот земјотрес на Света Гора почувствуван и во југоисточниот дел на Македонија.
„Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 7 јуни 2025 година регистрираа серија на земјотреси чии епицентри потекнуваат од соседна Република Грција.
Според досегашните податоци со кои располага опсерваторијата, почувствуван е земјотресот во 14 часот и 46 минути чиј епицентар се наоѓа 290 km југоисточно од Скопје, со Рихтерова локална магнитуда M L 5.2.
Земјотресот беше почувствуван во југоисточниот дел на Републиката со интензитет од III степени според Европската макросеизмичка скала“, известија од Сеизмолошката опсерваторија.
Македонија
АХВ го одбележа 7 Јуни – Светски ден на безбедна храна

Aгенцијата за храна и ветеринарство и оваа година се приклучи и ја поддржува глобалната иницијатива и го одбележа 7 јуни, Светски ден на безбедна храна. Со едукативен и спортско рекреативен настан наменет за граѓаните и децата, денес, во паркот Авионче во скопската населба Ново Лисиче на присутните им беа поделени едукативни флаери за безбедноста на храната, а за најмалите се одржаа спортско-рекреативни игри преку кои се афирмираше безбедноста на храната и нејзиното значење.
На 10 јуни, во вторник, со поддршка и во соработка со Европската агенција за безбедност на храната – ЕФСА, Агенцијата за храна и ветеринарство ќе одржи настан за подигнување на јавната свест за безбедноста на храната на која ќе учествуваат реномирани претстставници од EFSA, од научните и други институции поврзани со прашпања кои се однесуваат на производството на храна и нејзината безбедност.
Годинашното мото на Светскиот ден на безбедна храна – 7 јуни е „Науката во акција“ и тоа денес не потсетува на важноста на науката како основна алка од синџирот на безбедна храна. Едноставно, тоа е дел без кој не се може и кој ги создава основите за креирање на политиките за безбедност на храната од страна на институциите, како што е и Агенцијата за храна и ветеринарство.
Преку едукативниот спортско рекреативен настан кој се одржа денес и настанот кој во соработка со EFSA ќе се одржи во вторник, АХВ и годинава активно работи на подигнување на свеста на граѓаните за важноста на безбедноста на храната и за превенирање и управување со ризиците со цел унапредување на нивното здравје.
Македонија
(Видео) Василевски: Нула нови градинки за 4 години во Аеродром, околу 700 деца чекаат за запишување секоја година

Изминаа речиси 4 години откако ВМРО-ДПМНЕ ја освои локалната власт. И По 4 години, ВМРО-ДПМНЕ во Општина Аеродром не изгради ниту една од ветените 4 нови градинки, рече денеска на прес-конференција Бојан Василевски, ОО СДСМ Аеродром.
„Овиe градинки беа првиот од 7-те топ приоритети на Муцунски и Митески во програмата со кои ја освоија довербата на нашите сограѓани од Аеродром. Митески и Муцунски ветија целосно нови градинки во Острово, Мичурин, Лисиче и Долно Лисиче, но еве, четири години подоцна, ниту една од овие ветени градинки до денес не е ни започната со градба“, вели Василевски.
Според него, околу 700 дечиња годишно се на листа за чекање за упис во градинка, заради недостатокот на места во градинките во Аеродром.
„ВМРО-ДПМНЕ во Аеродром покажа целосна незаинтересираност за решавање на овој проблем. Единствениот објект на градинка кој се гради во моментов во Стар Аеродром е со 70.000.000 денари, средства обезбедени од Владата на СДСМ во 2024 година. Само за споредба, кога со Општина Аеродром управуваше СДСМ се изградија 2 нови градинки со вкупен капацитет од 400 деца. Целосно нов објект Црвенкапа во Стар Аеродром со капацитет од 200 деца и целосно нов објект Буба Мара во Ново Лисиче со капацитет од исто така 200 деца“, кажа Василевски.