Спорт
МЗТ: Навивачите се нашата сила, благодариме за поддршката
Македонскиот кошаркарски првак МЗТ Скопје Аеродром преку соопштение јавно се заблагодари на навивачите за големата поддршка која ја доби на првиот меч од АБА лигата на домашен терен, против евролигашот Партизан.
Повеќе од 5.500 гледачи дојдоа во СЦ „Јане Сандански“ и ги бодреа избраниците на Александар Петровиќ. Атмосферата беше одлична, а организацијата мина во најдобар ред.
„Македонскиот кошаркарски првак МЗТ Скопје Аеродром јавно им се заблагодарува на своите навивачи и симпатизери, но и на сите останати кошаркарски вљубеници кои во голем број дојдоа да нѐ бодрат на дуелот против Партизан и покрај тоа што средбата се одигра во работен ден и тоа во ептен рано.
На сите вас ви се поклонуваме до под, со надеж дека ќе ја имамевашата поддршка и на следните дуели, во кои ќе сториме сѐ и да ве израдуваме со победа. Голема благодарност и за тие што од разни причини не можеа да дојдат, но ни изразија поддршка преку социјалните мрежи и навиваа за нас следејќи го натпреварот преку телевизискиот пренос или интернет-статистика. Веруваме дека во првата следна прилика ќе најдете начин да дојдете во „Јане Сандански“ и во живо да ни ја покажете вашата љубов.
Атмосферата во салата и големата исполнетост на трибините го привлекоа вниманието на спортската јавност во целиот регион, потврдувајќи ја исправноста на чекорите кои управата на клубот ги прави по доаѓањето, а тоа е инвестирање во квалитет за враќање и играње во друштво на најдобрите на Јадранот. Со присуството и позитивното навивање без ниту еден инцидент ни дадовте дополнителен мотив да работиме уште понапорно за стабилизација на клубот, формирање уште подобар тим, со цел да успееме во остварувањето на заедничките цели – освојување на домашните титули и продолжување со настапот во АБА.
Сакаме да ве повикаме да бидете со нас и во следниот период, за што прва шанса е дуелот против СЦ Дерби, кој ќе го одиграме на 22 октомври (20.30 часот). Ова е пресметка на која на нашите момци и тоа како ќе им треба вашата помош од трибините, па затоа обележете го со црвено овој датум во календарот, осигурајте си го местото во салата и понесете си енергија за навивање. Сето ова е потребно за заеднички да се избориме за првата јадранска победа на нашиот тим по пауза од четири години, што секако ќе биде дополнителен мотив како за кошаркарите така и за фановите“ – се вели во соопштението на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси го прегази Вест Хем
Фудбалерите на Челзи победија на гости кај Вест Хем со 3:0 во 5. коло од Премиер лигата.
Натпреварот на „Олимпискиот стадион“ во Лондон беше игра на мачка и глушец. Фудбалерите на Челси решително влегоа во натпреварот и буквално го прегазија ривалот.
Двоен стрелец за „сините“ денеска во бела опрема беше Николас Џексон. Тој ги постигна првите два гола во четвртата и 18.минута.
Во 47. минута запиша и асистенција за Кол Палмер, кој стави точка на резултатот и на прашањето на победникот.
Спорт
Бањаја го победи Мартин во спринтот на ГН Емилија Ромања
Актуелниот светски првак Франческо Бањаја победи во спринт трката, во пресрет на Големата нграда Емилија Ромања. Перфектниот ден на Дукати го комплетираа Хорхе Мартин, возачот на Прамак и Енеа Бастијанини возачот на фабричкиот тим.
Спринтот не донесе никакви возбудувања. Можат да се издвојат два моменти во кои актер беше лидерот во генералниот пласман Хорхе Мартин.
Шпанецот имаше одличен старт, од втората позиција се катапултираше пред Бидер, Бањаја и Бастијанини. Италијанците од Дукати веднаш си ги вратија своите позиции и од тој момент ја започнаа потерата по лидерот.
Шпанецот направи грешка во седмиот круг и му ја препушти првата позиција на големиот ривал Бањаја.
До крајот немаше промени во поредокот.
Во првите десет спринтот го завршија: Марк Маркез (Гресини Дукати), Педро Акоста (ГасГас КТМ), Бред Биндер (КТМ), Фабио Квартараро (Јамаха), Марко Бецеки (ВР46), Франко Морбидели (Прамак Дукати), Маверик Вињалес (Априлија).
Големата награда Емилија Ромања се вози утре од 13 часот.
Спорт
Победникот на Тур де Франс призна дека се дрогирал
Поранешниот германски велосипедист Јан Улрих (50) го искоментира неодамнешниот документарен филм во кој признал дека користел допинг во текот на неговата кариера.
Улрих победи на Тур де Франс во 1997 година, кога во пет етапи заврши на второто место. Тој за германската телевизија WDR изјави: „Документарниот филм Der Gejagte (Ловениот) беше еден вид терапија за мене и сега можам отворено да разговарам со моите деца за тоа.
Она што луѓето мора да го знаат е дека дури и спонзорите знаеја се, допингот беше систематски, бев добро платен и договорот беше да не зборувам за тоа. Згрешив, бев негативец“.
Пеколот започнал кога ја завршил кариерата.
„Алкохол, дрога, паднав во дупка и за малку ќе завршеше катастрофално. Практично бев мртов и го видов пеколот. Тогаш си реков дека следната недела или ќе бидам мртов или ќе си го вратам животот. Љубовта на моите деца беше одлучувачкиот фактор“.
Професионалната кариера на Улрих траеше од 1995 до 2006 година.