Спорт
Чави: Ако не можеме да го победиме Интер, не заслужуваме да бидеме во осмина-финалето
Тренерот на Барселона, Чави, не беше среќен по ремито 3:3 со Интер во четвртото коло од групата Ц во Лигата на шампионите. Овој резултат ги става Каталонците во неповолна положба и може да се покаже фатален за нивните надежи за пласман во нокаут фазата.
Според Чави, ако неговите играчи не можат да го победат Интер, тогаш не заслужуваат да бидат во осмина-финалето.
„Има две гледишта за овој натпревар. Првото полувреме беше одлично, добро напаѓавме и го натеравме Интер да страда. Гави и Педри го контролираа средниот ред. Сепак, во вториот дел направивме премногу грешки. Си дозволивме да паднеме по првиот примен гол. За вториот гол на Интер имаше сериозна грешка,што не смее да се дозволи на ваков натпревар. Во Лигата на шампионите секоја грешка се плаќа скапо. Се обидовме да се вратиме во игра и покажавме карактер , но ако не можеме да го победиме Интер дома, не заслужуваме да одиме понатаму“, смета Чави.
Сега за Интер ќе биде доволно да го добие следниот натпревар со Плзен за да оствари пласман понатаму од „групата на смртта“. Баерн Минхен е веќе во осмина-финалето.
„Знаеме дека повеќе не ја држиме судбината во наши раце. Очигледно не заслужуваме да се пласираме во следната фаза. Немаме големи надежи. Плативме голема цена за тие грешки. Јас сум тренер и ја преземам одговорноста. Требаше да бидеме поконцентрирани, но во вториот дел излеговме со погрешен став. Ова е голем удар за нас, би рекол дури и суров. Сега треба да се концентрираме во Ла Лига, каде сакаме да останеме на врвот. Сезоната е долга, но не го дадовме максимумот во ЛШ поради сопствени грешки. Тоа е сурово за нас, но мораме да гледаме напред“, смета Чави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Индијана надмоќно ја доби мајсторката во Њујорк
Индијана Пејсерс ќе им се спротивстави на Бостон Селтикс во финалето на Источната конференција во НБА лигата. Пејсерс ја добија мајсторката во Њујорк со 130:109. Финалната серија на Исторкот започнува во среда наутро по средноевропско време.
Пејсерси ги искористија сите проблеми кои го следеа Њујорк, фантастично шутираа и без проблем го добија седмиот натпревар. Индијана во првото полувреме имше реализација од речиси 80 отсто, во првата четвртина стекна двоцифрена предност.
Њујорк се обиде во третиот период разликата од 22 поени ја спуштија Никс на шест, но немаа сили за пресврт.
Повредите ги уништија Никс во оваа серија, Ануноби се обиди, одигра пет минути, а Харт го одигра речиси целиот натпревар, но не беше на очелуваното ниво. Надежите на Никс се урнаа во третата четвртина кога најдобриот играч Брансон се здоби со фрактура на дланката.
Од претходно во Њујорк ги немаше Рендл, Робинсон и Богдановиќ.
Халибартон со 26 поени, четири скока и шест асистенции ја предводеше Индијана, по 20 поени постигнаа Нембхард и Сиакам, 19 додаде Нејсмит со 8-8 од игра.
Кај Никс се истакнаа ДиВинченцо со 39 поени (10 тројки), Буркс додаде 26, а Брансон уфрли 17 поени.
Спорт
Гвардиола: Блиску сум до заминување
Манчестер сити со победата против Вест Хем четврта година по ред стана шампион на Англија. Оваа титула е шеста за Пеп Гвардиола на клупата на „граѓаните“.
Славниот тренер има договор до 2025 година, а неговата изјава по кревањето на пехарот ги шокираше навивачите на Сити.
„Реалноста е дека поблиску сум до заминување отколку да останам. Зборував со челниците, чувствувам дека сакам да останам. Останувам следната сезона, тоа е сигурно. Но, ќе разговараме во текот на сезоната. Овде сум во клубот осум, девет години… Ќе видиме што ќе се случи понатаму“, изјави Гвардиола.
Пеп го презеде Сити во 2016 година и освои се што можеше да се освои со клубот. Во својата кариера овој 53-годишен фудбалер успешно ги водеше Барселона и Баерн.
Сити го водел на 471 натпревар. Оствари 349 победи, 57 нерешени и 65 порази.
Спорт
Метла за Партизан – Црвена звезда пред 20.000 „гробари“ ја освои титулата во АБА лигата
Кошаркарите на Црвена звезда ја освоија титулата во АБА лигата, откако во финалната серија против Партизан ја добија со 3:0. Третиот меч на теренот на Партизан, екипата на Црвена звезда го доби со 82:76.
Ова беше шести последователен триумф на тимот на Јанис Сферопулос над тимот предводен од Жељко Обрадовиќ, шести во 2024 година.
Звезда со тоа го освои вториот трофеј сезонава, откако во февруари во Ниш го освои националниот куп.
Црвена звезда му се реваншираше на Партизан за поразот во ланското финале и ја прекина една долга традиција во АБА лигата. Ниту една екипа во претходните четирите претходни финални серии не успеа да победи на гостински терен.
Третиот меч во целост им припадна на црвено-белите. Партизан само еднаш имаше предност, во раната фаза од третата четвртина. Звезда експресно ја врати предноста, а во решавачкиот период влезе со предност од седум поени.
Голем чекор кон победата тимот на Сверопулос направи кога дојде до двоцифрена предност. Партизан до крајот се обиде но не успеа да направи пресврт.
Црвена зведа до победата ја предводеа Митровиќ и Гедраитис со по 12 поени, првиот имаше и осум скока, Дос Сантос постигна 11, а Лазиќ и Давидовац по девет поени. Тренерот Сферопулос играше со 11 играчи и сите постигнаа поени.
Партизан го предводеа Аврамовиќ со 17 и Анѓушиќ со 13 поени. Разочараа Пантер и Лидеј со пет, односно четири поени.
МВП на финалната серија е Бразилецот Јаго Дос Сантос.