Спорт
Нова фудбалска реклама со Меси, Роналдињо и Погба е хит
Останува уште нешто повеќе од еден месец до Светското првенство во Катар, второто Светско првенство во историјата кое се одржува во Азија. Во пресрет на еден од најголемите спортски настани во светот, „Пепси“ сними нова реклама која користи мотиви на „пустински“ улици и типични муслимански пазари какви што ќе можат да ги искусат навивачите кои патуваат на Блискиот Исток.
Во рекламата се појавуваат три светски суперѕвезди. Заедно со седумкратниот освојувач на „Златната топка“, Лионел Меси, тука се и Пол Погба од Јувентус и Роналдињо, поранешен играч и еден од најомилените фудбалери во историјата. Рекламата брзо стана вирална, а првите критики се исклучително позитивни.
„Пепси“ успеа да разбуди носталгија со стариот хит на Фетбој Слим, „The Rockafeller Skank“, кој беше насловна песна во неколку верзии на фудбалската игра на ФИФА.
Во видеото исто така доминираат мотиви кои непогрешливо укажуваат на модерниот фудбал. Емотикони, социјални мрежи, рејтингот од ФИФА, појавувањето на ѕвездите на ТикТок. Со овои мотиви „Пепси“, сака некако да го спои новиот и стариот фудбал.
The new Pepsi film is a proper throwback to the glory days of football ads. Absolute class ????@PepsiGlobal, @PaulPogba, @10Ronaldinho pic.twitter.com/PsC6TszRfr
— Project Football (@ProjectFootball) October 13, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.