Европа
Детали за експлозијата во рудник во Турција – две лица загинаа, 20 повредени
Според досегашните информации, две лица загинале, а 20 се повредени во експлозијата што се случила во рудникот во Бартин, Турција. Ова го изјави министерот за здравство на Турција, Фахретин Коџа, пренесува „Анадолија“.
Турскиот министер за внатрешни работи, Сулејман Сојлу, и министерот за енергетика и природни ресурси, Фатих Донмез, отпатуваа на местото на настанот.
????????????An explosion occurred in a coal mine in #Bartin province of #Turkiye
Rescuers were involved in the scene pic.twitter.com/EujoeGZ2bL
— Dailyaz (@dailyaz1) October 14, 2022
Според неофицијални информации од Турција, 50-ина лица останале заробени во јамата по експлозијата. Причината за експлозијата не е позната.
„44 лица се заробени на 300 метри под земјата, пет лица на надморска височина од минус 350, а 14 работници се евакуирани од местото на несреќата“, изјави гувернерот на Бартина, Нуртач Арслан.
Агенцијата АП потсетува дека во најголемата катастрофа во турскиот рудник 301 лице загинаа во 2014 година кога избувна пожар во рудник за јаглен во градот Сома, на западот на Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Куче уби деветмесечно бебе во Велика Британија
Деветмесечно бебе почина во недела навечер откако беше нападнато од куче во Велс, Велика Британија. Полицијата и службите за итни случаи беа повикани на адресата во Рогиет околу 18:00 часот, но за жал детето не можеше да се спаси и беше прогласено за мртво на местото на настанот, пишува Скај њуз.
Полицијата потврди дека кучето поврзано со нападот е запленето и отстрането од имотот.
Главниот началник на полицијата во Гвент, Џон Дејвис, се обрати до јавноста.
„Разбираме дека ќе има загриженост во врска со овој инцидент, но полицајците се на местото на настанот и ќе покренат дополнителни истраги како што напредува истрагата“, рече тој. „Доколку имате какви било загрижености или информации, ве молиме контактирајте не.“
фото: принтскрин
Европа
(Фото) Русите отвораат театар на местото на едно од најстрашните злосторства
Русите во окупираниот Мариупол планираат повторно да го отворат Драмскиот театар до крајот на оваа година, истиот што го уништија со две воздушни бомби во март 2022 година.
Во нападот загинаа повеќе од 300 украински цивили кои побараа засолниште во зградата, а првата претстава на местото на ужасното злосторство треба да се одржи веќе во декември, соопшти Градскиот совет на Мариупол.

„Окупаторите тврдат дека „реконструкцијата“ на театарот е при крај. Местото на едно од најстрашните руски воени злосторства сега се трансформира во простор за руски претстави и концерти“, соопшти градскиот совет.

Службениците додадоа дека Русите го опколиле театарскиот простор по смртоносниот воздушен напад за да го сокријат отстранувањето на урнатините што содржат тела и да спречат документирање на доказите за нивните злосторства.

На 16 март 2022 година, руските сили фрлија две воздушни бомби од 500 килограми врз театарот во Мариупол. Во тоа време, зградата се користеше како засолниште за стотици цивили.

Зборот „Деца“ беше напишан со големи букви на предната и задната страна од зградата за да биде видлив од воздух и да ги предупреди пилотите дека внатре има цивили, но нападот сепак се случи.

Окупациските власти подоцна го демонтираа уништениот театар, оставајќи ја само предната фасада како „темел за реконструкција“. Во август оваа година, руските власти објавија дека ги завршиле надворешните поправки и дека преминуваат на внатрешно уредување, најавувајќи дека првата претстава ќе се одржи до крајот на 2025 година.
фото: принтскрин
Европа
Дронови забележани над воена база во Белгија: полициски хеликоптер ги следеше, па ги изгуби
Четири дронови беа видени синоќа над белгиската воена воздухопловна база Клајне-Брогел, која ја користат силите на НАТО, во најновиот од неколкуте инциденти пријавени за време на викендот.
Белгиската новинска агенција Белга ги објави видувањата, повикувајќи се на локалниот градоначалник Стивен Матеи. Полициски хеликоптер ги следеше, но на крајот исчезнаа на север кон Холандија.
Дронови беа видени и во ноќта од сабота кон недела.
„Беше користен попречувач, но се покажа како неуспешен. Полициски хеликоптер и возила го гонеа дронот, но го изгубија по неколку километри на север“, извести за инцидентот белгискиот министер за одбрана Тео Франкен.
Министерот ги опиша дроновите како големи модели и рече дека „не станува збор за редовно прелетување, туку за јасна мисија насочена кон Клајне-Брогел“. „Тие летаа на голема надморска височина“, истакна тој. Истрагите се во тек.
фото: принтскрин

