Свет
Девојка во Индија била силувана од членовите на семејството и запалена бидејќи била бремена
15-годишно девојче од Индија е во критична состојба во болница во северна Индија, откако членовите на семејството ја силувале и ја запалиле, јави Си-Ен-Ен.
Мајката на девојчето рекла дека лекарите прават се за да и ја спасат ќерката, но дека најверојатно нема надеж.
Девојчето се здобило со изгореници на 80 отсто од кожата.
Полицијата во индиската држава Утар Прадеш уапси 18-годишен маж и неговата мајка во понеделникот под сомнение дека се обиделе да убијат девојка, полевајќи ја со керозин и ја запалиле бидејќи била бремена.
Полицијата соопшти дека таа забременила пред три месеци откако била силувана од 18-годишен роднина.
Во Индија во просек има по едно силување на секои 17 минути, а палењето жени е вообичаено, најмногу во руралните области, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски му го честиташе третиот премиерски мандат на Пленковиќ и му се заблагодари за поддршката на Украина
Претседателот на Украина, Володимир Зеленски, му го честиташе третиот мандат на хрватскиот премиер Андреј Пленковиќ и изрази благодарност за постојаната поддршка од Украина.
Зеленски на социјалната мрежа Икс напиша дека разговарал со Пленковиќ, кому му се заблагодарил и го потврдил доаѓањето на мировниот самит во Швајцарија.
„Разговаравме и за поддршката на Хрватска за почеток на пристапните преговори на Украина со Европската унија, како и за можноста Хрватска да се приклучи на декларацијата на Г7 од Вилнус за поддршка на Украина“, напиша Зеленски.
Свет
Повеќе од 226.000 домови во Тексас без струја по невремето
Повеќе од 226.000 домови и деловни објекти во Тексас и денеска се без струја откако невремето го погоди регионот минатата недела и викендот, според синоптичарите и PowerOutage.us.
Тоа е помалку од повеќе од 946.000 клиенти во Тексас, Луизијана и Мисисипи кои беа без струја во петокот наутро.
Покрај тоа, невремето на крајот на минатата недела во Тексас и другите држави долж брегот на Персискиот залив остави без струја во текот на викендот повеќе од 44.000 клиенти во Оклахома и Канзас, пренесува Ројтерс.
Свет
Лавров: Следната средба меѓу Путин и Шји во јули
Рускиот претседател Владимир Путин и неговиот кинески колега, Шји Џјинпинг, планираат да се сретнат за време на самитот на Шангајската организација за соработка (ШСО) во јули, кој е дел од претстојниот дипломатски календар меѓу двете земји, изјави рускиот министер за надворешни работи, Сергеј Лавров.
Ова го изјави на денешната средба со кинескиот министер за надворешни работи, Ванг Џи.
„Ве чекаме, драг министере, драг пријателе, на состанокот на министрите за надворешни работи на БРИКС, во Нижни Новгород, за помалку од еден месец. Нашите лидери ќе се сретнат и за време на самитот на SCO во јули во Астана. Подготвуваме настани за одбележување на 75-годишнината од воспоставувањето на нашите дипломатски односи“, му рекол Лавров на Ванг.
На средбата тој изразил благодарност до Пекинг за неговата „урамнотежена позиција“ за решавање на конфликтот во Украина, соопшти денеска руската МСП, пренесува „РИА новости“.
Шефот на руската дипломатија го поздрави предлогот на кинескиот претседател Џјинпинг за организирање мировна конференција со рамноправно учество на Москва и Киев, што ги зема предвид интересите на Русија, додаваат од Министерството.