Спорт
Роналдо: Психотерапијата ме спаси. Никогаш нема да го заборавам гестот на Зидан
Роналдо Назарио (46) зборуваше за низа контроверзии и непознати детали од неговата богата кариера во новиот биографски документарен филм: „Феномен: Подемот, падот и искупувањето на Роналдо“ во продукција на ДАЗН.
По повод премиерата на филмот, тој даде интервју за „Марка“ во кое вели: „Во кариерата освоив се освен Лигата на шампионите, но титулата што ја освоив на СП 1994 не би ја менувал за ЛШ, иако не одиграв ниту една минута на тој шампионат, бидејќи за мене, како и за секој Бразилец, нема ништо поважно од титулата светски првак во фудбал.“
„Затоа светската титула во 2002 година е без сомнение најголемиот успех во мојата кариера, особено по се што поминав четири години претходно: повреди, пораз во финалето во 98 година, нападот што го преживеав ноќта пред финалето.“
Тогаш Роналдо беше запрашан на колку посто бил во финалето, бидејќи се знае дека едвај го преживеал нападот што го имал во сон и кој изгледал како епилептичен напад
„Во финалето на СП 1998 бев на 100 отсто иако преживеав напад претходната вечер.
Не треба да се мистифицира тој наш пораз од 3:0 и мојата лоша игра. Знаете, фудбалот е многу поедноставен од тоа како луѓето го прикажуваат Едноставно, тој ден Франција беше подобра од нас и моравме да го прифатиме тоа и да научиме од тој пораз“.
Роналдо откри дека во втората половина на 90-тите, кога имал серија сериозни повреди, бил воодушевен од Зинедин Зидан.
„Секогаш го ценев неверојатно, уште од нашата прва средба кога тој играше за Јувентус, а јас играв за Интер. Тогаш започна нашата врска полна со меѓусебно почитување и прекрасен однос. Сепак, тоа важеше само на теренот, надвор од него не се слушнавме ниту се дружевме.
„Затоа бев воодушевен од тоа што го направи кога ја доживеав втората тешка повреда во кариерата. Завршив во болница, направив операција и Зидан ме изненади кога дојде да ме посети како прв човек по членовите на моето семејство. Седна до мене и ми рече „Биди храбар, оздрави што е можно поскоро затоа што му требаш на фудбалот“. После тоа имавме срдечен разговор и многу ми значеше да го имам покрај мене во таков тежок период од мојот живот“.
Во тој период Роналдо паднал во депресија. Во филмот тој тоа му кажува за тоа на својот соиграч и пријател Роберто Карлос. Во интервјуто за „Марак“ тој вели:
„Одам на психотерапија веќе две и пол години и сега го разбирам многу подобро сè она што ми се случи и од што страдав. Сепак, треба да знаете дека јас сум дете на генерација која созреваше на таков начин, како да фрлите дете во џунглата. И тоа мораше да се направи без никакво преправање. Гледајќи наназад, гледам дека ние, фудбалерите од таа генерација, бевме изложени на огромен психички стрес без да бидеме подготвени за тоа. Покрај тоа, ова се случуваше на почетокот на ерата на интернетот, кога информациите почнаа да патуваат со невидена брзина. Тогаш воопшто не се водеше сметка за психичкото здравје на играчите. Фудбалерите од мојата генерација страдаа страшно, но сите се правевме дека депресијата не постои“. вели легендарниот Бразилец Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хамилтон: Ова е кошмар, го живеам веќе некое време
Луис Хамилтон не можеше да ја скрие својата фрустрација по уште еден тежок викенд во Ферари. Британецот доживеа серија судири, казни и конечно се повлече во Сао Паоло, продлабочувајќи ја кризата во својата дебитантска сезона во црвениот болид. Седумкратниот шампион признава дека веќе некое време се чувствува како да е заглавен во кошмар.
Седумкратниот светски шампион мораше да се откаже по хаотичниот настап обележан со комбинација од судири, казни и технички проблеми.
Хамилтон имаше две „блиски средби“, прво со возачот на Вилијамс, Карлос Саинц, а потоа и со Франко Колапинто од Алпин.
Хамилтон подоцна призна за „Скај Спортс Ф1“, дека тешко се носи со резултатите што ги постигнува оваа сезона.
„Ова е кошмар, го живеам веќе некое време“, рече Хамилтон. „Таа разлика помеѓу сонот да возам за овој неверојатен тим и кошмарот од резултатите што ги имаме, подеми и падови – тоа е предизвикот.“
„Сепак, ќе се издигнам, ќе продолжам да тренирам и да работам со тимот. Навистина сакав да освојам поени овој викенд, но ќе се вратам најсилен што можам на следната трка и ќе се обидам да го поправам тоа.“
Спорт
(Видео) Нестварни сцени во Канада – снег до колена, натпревар на векот и ножичките на Родригез
Фудбалерите на Атлетико Отава ја освоија својата прва титула во Канадската Премиер лига (КПЛ) откако го победија Кавалри ФК со 2:1 во продолжение во неверојатни услови, среде снежна бура. Херој на вечерта беше Давид Родригез, кој ги постигна двата гола за својот тим и им го донесе историскиот трофеј од Купот Норт Стар.
Двата тима во неделата вечерта во Отава се бореа со времето исто колку и едни со други, а битката за шампионската титула се одвиваше во речиси невозможни услови.
Почетокот на натпреварот беше одложен поради обилните снежни врнежи. Персоналот користеше механизација и лопати во текот на целата ноќ за да ги расчисти линиите на стадионот ТД Плејс, а понекогаш и самите играчи им притрчаа на помош.
Навивачите кои се осмелија да дојдат на стадионот и покрај студот беа предупредени да не фрлаат снежни топки на теренот.
Гостите од Калгари први поведоа. Фрејзер Ерд погоди од пенал во 32-та минута, но славењето не траеше долго. Само неколку минути подоцна, Давид Родригез израмни со спектакуларен удар со ножички.
По основните 90 минути, резултатот остана 1:1, а имаше пауза од речиси еден час за повторно да се исчисти теренот од снегот.
Кога играта продолжи, одлучувачкиот момент се случи во 106-та минута. Родригез прими долга топка од Мани Апарицио и го лобуваше голманот Марко Кардучи за водство и, како што се покажа, победа.
За Атлетико, ова е прва титула во нивната историја, откако загубија во финалето од Форџ ФК во 2022 година. Од друга страна, Кавалри ФК, шампионите во 2024 година, не успеаја да ја одбранат титулата.
Спорт
Алкараз го презеде бројот 1 од Синер, Ѓоковиќ се врати на четвртото место
Карлос Алкараз се врати на првото место на АТП листата, на која од денес Новак Ѓоковиќ е на четвртото место, а Тејлор Фриц назадуваше за две позиции.
Алкараз го презеде првото место на АТП листата од Италијанецот Јаник Синер, кој моментално е втор играч во светот со 10.000 поени. На синер му беа избришани 1.500 поени освоени минатата сеозна кога го освои Завршниот мастерс.
Математиката е јасна, доколку Алкараз забележи уште две победи на Завршниот мастерс, кој вчера започна во Торино, ќе биде број е на крајот од годината, дури и доколку Синер го освои турнирот без пораз.
Алкараз и Синер се далеку пред конкурентите, имаа 5.000 поени повеќе од Алкесандар Зверев на третото место.
Ѓоковиќ, во саботата победи во Атина на турнирот од серијата 250. Србинот стана најстариот победник на АТП турнир и се искачи на четвртото место. Инаку, Ѓоковиќ, поради повреда го откажа настапот на Завршниот мастерс.
Зад него е Бен Шелтон, кој го бележи најдобриот пласман во кариерата. Две места назадуваше Тејлор Фриц, тој се наоѓа на шестата позиција.
Следуваат Австралиецот Алекс де Минор, Канаѓанецот Феликс Оже-Алијасим, Лоренцо Мусети и Британецот Џек Дрејпер, кој е 10-ти на листата на најдобри играчи во светот.

