Спорт
Сане и Жота неизвесни за СП во Катар
![](https://makfax.com.mk/wp-content/uploads/2022/10/213.jpg)
Како што се наближува Светското првенство во Катар, така со секој нов натпревар во клупскиот фудбал се зголемува ризикот од повреди поради кои играчите ќе го пропуштат најголемото шоу на светскиот фудбал.
На 33 дена до почетокот на Мундијалот и малите повреди значат дека играчите нема да имаат доволно време за рехабилитација и да се стават на располагање на селекторите, кои мора да ги достават конечните списоци на патници до 14. ноември.
Во овој момент се знае дека на СП нема да играат: Засега сигурно е дека на Катар ќе му Н’Голо Канте и Бубакар Камара (Франција), Рис Џејмс (Англија), Жорџинио Вајналдум и Бруно Мартинс Инди (Холандија), Хесус Корона (Мексико), Гиљермо Арана (Бразил), Педро Нето (Португалија), Флоријан Вирц (Германија), Урош Спајиќ (Србија), Буна Сар (Сенегал)…
Официјално се уште не е потврдено, но големи се шансите СП да го пошуштат и Пауло Дибала (Аргентина), Ришарлисон (Бразил), Кајл Вокер и Калвин Филипс (Англија), Пол Погба (Франција), Роналд Араухо (Уругвај) , Маркос Љоренте (Шпанија)…
Од вчера на списокот на повредени играчи има уште две имиња кои ќе се тркаат со времето за да се најдат на меѓу патниците на Мундијалот.
Загрижувачки вести пристигнаа утрово за навивачите на германската репрезентација, бидејќи повреден е нивниот, во моментов најдобра фудбалер, Лирој Сане.
Крилниот напаѓач синоќа против Фрајбург беше заменет во 75. минута.
Дополнителните прегледи покажале дека има скинато мускулно влакно на левата надколеница. Најдобрите проценки се дека ќе отсуствува три недели, но се стравува дека паузата може да биде и подолга. Сане игра одлично, на 15 натпревари за Баерн постигна 10 гола со пет асистенции.
Лоши вести од дербито помеѓу Ливерпул и Манчестер сити стигнаа до Португалија. Напаѓачот Диого Жота, во финишто на мечот, на носилки беше однесен од теренот.
Јирген Клоп по натпреварот изјави дека повредата на потколеницата не е сериозна, меѓутоа и Жота ќе мора да одмори неколку недели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.