Свет
ЕУ воведе санкции кон Иран
Поради насилството врз демонстрантите, првпат по неколку години, министрите за надворешни работи на ЕУ одлучија да воведат санкции против Иран. Изгледите за нуклеарен договор се послаби од кога било.
На состанокот на министрите за надворешни работи на ЕУ, Борел немаше друг избор, освен да поддржи пакет-санкции против режимот во Техеран.
Затоа се намалуваат шансите за повторно постигнување меѓународен договор за забрана на иранското атомско оружје, таканаречениот нуклеарен договор: „Преговорите заглавија во последните недели. Сега не очекуваме некаков напредок. Срамота, бидејќи бевме многу, многу блиску“, со жалење изјави Борел, пишува „Дојче веле“.
„Со договор светот би бил многу побезбеден“.
„Со обновениот нуклеарен договор, регионот, Европа и светот би биле многу побезбедни“, посочи Борел.
Договорот за кој САД, Русија, Кина, Велика Британија, Франција, Германија и Иран преговараа со години стапи во сила во 2016 година.
Тој требаше да го запре збогатувањето на ураниумот за да изгради атомска бомба во Иран. За возврат, САД и ЕУ укинаа некои економски санкции против режимот во Техеран.
Меѓутоа, во 2018 година американскиот претседател Доналд Трамп еднострано го откажа договорот со Иран. Развојот на иранската бомба продолжи.
По промената на власта во Белата куќа, пред една и пол година почнаа преговорите за заживување на договорот со Иран.
Насилството врз демонстрантите во Иран драстично се зголеми во последните недели.
Од смртта на младата Мехса Амини, која беше уапсена и малтретирана од таканаречената полиција на моралот поради неправилно носење на шамијата, народот на Иран насилно се бунтува против режимот.
Затоа, министрите за надворешни работи на ЕУ гласаа за воведување нови санкции првпат од 2016 година.
„Нема и не можеме да замижеме“, рече германската министерка за надворешни работи, Аналена Бербок, во Луксембург, пренесе „Денес.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.