Спорт
„Вистински момент да го напуштам системот на Ред Бул“
Пјер Гасли, возачот на Алфа Таури, од следната сезона ќе биде во болидот на тимот Алпин во шампионатот во Формула 1. Французинот ќе му се придружи на сонародникот Естебан Окон. Гасли е убеден дека донел добра одлука.
„Луѓе од Алпин сакаа да дојдам. Тоа се виде и по начинот на кој пристапија кон преговорите. Не беше лесно, но мило ми е што се најде најдоброто решение за мене“, изјави Гасли.
Французинот го напушти системот на Ред Бул по девет години. Тој го имаше своето деби во Формула 1 со сестринскиот тим Торо Росо, каде што ги импресионира сите во Ред Бул.
Потоа доби можност да вози заедно со Макс Ферстапен во Ред Бул во 2019 година, но беше јасно дека не може да се справи со притисокот. По само половина сезона, Ред Бул го врати назад во сестринскиот тим, кој во меѓувреме го смени името во Алфа Таури.
Тој го шокира светот со победата во Монца во 2020 година и таа останува запишана како негов најголем успех во кариерата досега.
„Мислам дека беше вистинско време да го напуштам Ред Бул. Направив многу добри работи, но сакав нов предизвик. Затворив едно и отворив друго, се надевам многу поуспешно поглавје во мојата кариера“, истакна Гасли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо оди во Истанбул, но не во Фенербахче туку во Бешикташ
Жозе Мурињо, еден од најтрофејните тренери во историјата, е многу блиску до преземање на Бешикташ. Ова го пишуваат турските медиуми, а го потврди и претседателот на клубот од Истанбул.
„Го контактиравме Мурињо. Тој е подготвен да дојде во нашиот клуб. Договоривме нов состанок следната недела во Италија. Финансиските детали од договорот се решени”, изјави Хусеин Јуџел, претседател на Бешикташ.
Мурињо неодамна беше поврзуван со Фенербахче, но Бешикташ очигледно е далеку поконкретен. Тој клуб и оваа сезона ги разочара своите навивачи, далеку е зад најголемите ривали Галатасарај и Фенербахче.
Доколку дојде Мурињо ќе треба да се вмеша во борбата за титулаѕа, која последен пат Бешикташ ја освои пред три години.
Славниот Португалец е без работа од јануари кога доби отказ од Рома поради лошите резултати.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.
Спорт
(Видео) Каљари избори опстанок во Серија А
Фудбалерите на Сасуоло загубија на домашен терен од Каљари со 2:0. Екипата од Сардинија, која од клупата ја предводи Клаудио Раниери де на коло пред крајот дефинитивно обезбеди опстанок во Серија А.
За разлика од Каљари, Сасуоло во последното коло гостува кај Лацио, а ниту победа не му гарантира опстанок.
До победата Каљари го предводеа Матео Прати, кој ја погоди мрежата на домаќините во 72. минута и Џанлука Лападула, кој погоди од пенал во судиското надополнување.
Ова беше прва победа на Каљари по пет кола.
Тимот од Сардинија сега има четири бода повеќе од Фросиноне и Емполи, а седум бода повеќе од Сасуоло пред последниот натпревар сезонава.
Тимот предводен од Клаудио Раниери од клупата ќе ја пречека Фиорентина во последниот натпревар од сезоната.