Свет
Кси Џинпинг e потврден по третпат за лидер на кинеската Комунистичка партија
Кси Џинпинг на редовниот партиски Конгрес што се одржа во Пекинг беше потврден како лидер на кинеската Комунистичка партија по рекорден трет пат по ред.
Кинескиот претседател очекувано победи на крајот на еднонеделната партиска седница на која Џинпинг ги избрка од раководството оние што ги сметаше за свои противници.
Кси излезе на сцената со шест нови членови на тесното раководство на партијата, од кои сите се сметаат за целосно потчинети на него, што се толкува како дополнително зајакнување на целосната контрола на Џинпинг врз Комунистичката партија. По излагањето на соработниците тој одржа говор.
„Полни со самодоверба, тргнуваме на патот да ја направиме Кина уште помодерна социјалистичка земја во сите погледи. Сакаме да ја освежиме кинеската нација на сите фронтови и да се впуштиме во уште поголема модернизација. Кина мора да остане на високо ниво на подготвеност како студент на испит што никогаш нема да заврши“, рече Кси, додавајќи:
„Кина беше и ќе остане многу важна за напредокот на целиот свет и нема да отстапи од нејзините принципи, а тоа се брзиот економски раст и долгорочната стабилност. Партијата ќе стане непобедлива само ако си дозволи да се промени.
Говорот заврши со покана до странските новинари да ја посетат Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.