Спорт
Леброн Џејмс и ЛА Лејкерс загубија добиен меч, Крис Пол влезе во историјата
Лос Анџелес Лејкерс го доживеа третиот пораз во новата НБА сезона, откако загуби од Портланд со 106:104 во драматичен расплет. Леброн Џејмс го имаше послесниот шут, но не го реализира, па на крајот гостите се радуваа.
Портланд на полувреме имаше водство од 55:48, но Лејкерс одигра одлична трета четвртина која ја доби со 35:23 и поведе со 83:78.
Во последните две минути, Лејкерс имаа водство од седум поени, но го испуштија. Во последниот напад, во кои Лејкерс имаа само три секунди, Леброн Џејмс шутираше и промаши, па Портланд се радуваше на победа.
Лилард со 41 поен беше најефикасен кај победничкиот тим, додека Леброн Џејмс постигна 31 поен, а имаше и по осум скока и асистенции во тимот на ЛА Лејкерс.
Крис Пол влезе во историјата на НБА-лигата, откако стана третиот играч кој дошол до бројката од 11.000 асистенции, а прв кој заедно со тоа постигнал и над 20.000 поени.
Пол во победата на Феникс на гости кај ЛА Клиперс од 112:95 постигна само седум поени со реализација од 3/11, но имаше осум скока и подели 11 асистенции. Со ова дојде до 11.009 во својата кариера, а на вечната листа пред него се Џејсон Кид и Џон Стоктон.
Chris Paul joins Jason Kidd and John Stockton as the only players in NBA history to record 11,000 or more career assists.
Congrats, CP3! pic.twitter.com/IR7QFqk7sV
— NBA (@NBA) October 24, 2022
Резултати: Сакраменто – ЛА Клиперс 109:111, ЛА Лејкерс – Портланд 104:106, Атланта – Шарлот 109:126, Кливленд – Вашингтон 117:107 (прод.), Њу Орлеанс – Јута 121:122 (прод.), Оклахома – Минесота 106:116, Голден Стејт – Сакраменто 130:125, ЛА Клиперс – Феникс 95:112.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.