Спорт
Пеле во добро здравје го прослави 82. роденден
Легендата на светскиот фудбал, Бразилецот Пеле, изјави дека е среќен што во неделата наполни 82 години со добро здравје и покрај неодамнешните проблеми.
„Мои пријатели од Бразил и од целиот свет, среќен сум, многу среќен што сум овде со вас и што Бог ми даде здравје за да можам да им се заблагодарам на сите за се што ми е дадено“, рече Пеле во видео пораката преку Инстаграм.
Познатиот фудбалер изјави дека 82 години се „дар од Бога“ и на шега додаде дека се надева дека ќе живее уште толку долго.
Пеле, кој според многумина е најдобриот играч на сите времиња, во последните години имаше здравствени проблеми. Минатата година тој беше во болница каде лекарите му отстранија тумор на дебелото црево.
Неговото семејство и лекарите кои оттогаш се грижат за него рекоа дека неговото здравје е стабилно и дека мора редовно да оди во болница на хемотерапија како дел од протоколот за лекување.
Пеле имал проблеми и со бубрезите и колковите, кои му ја намалиле подвижноста, па користи шетач или инвалидска количка. Тој драстично ги намали јавните настапи, иако се уште е активен на социјалните мрежи.
Едсон Арантес до Насименто, попознат како Пеле, кој на 17-годишна возраст играше за бразилската репрезентација на Светското првенство во 1958 година, освои три светски шампионски титули – во 1958, 1962 и 1970 година.
View this post on Instagram
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милевски: Македонија се прашува за изгледот на табелата во групата
Извор/ ffm.mk
Селекторот на Македонија, Благоја Милевски го објави списокот на фудбалери на кои ќе смета за претстојните два натпревари против Летонија и Ерменија на гостински терен во Лигаta на Нации. На списокот од 25 фудбалери, дебитант е дефанзивниот фудбалер на словачка Жилина, Андреј Стојчевски.
„Што се однесува до списокот, за жал повторно имаме некои повреди на фудбалери кои беа непланирани. Трапановски нема да игра поради повреда на тренинг. Ќе мора да паузира четири до шест седмици. Се надевам дека Трајковски ќе биде подготвен и ќе ни биде на располагање. За жал, Дарко Велковски нема клуб и жалам што не е во посакуваната форма. Не сум задоволен од статусот на Елези во тимот на Бохум. Тој е професионалец и ќе даде сè од себе да се наметне во клубот. Потребен ни е таков играч, беше со нас на минатите собири и се разбира дека сметаме на него во иднина“, рече Милевски и поота образложи зошто во националниот тим е повикан Стојчевски.
„Имаме проблеми со дефанзивата, особено со жолти картони и поради тоа е повикан Стојчевски за да биде дел од ротацијата. Останатите се надевам дека ќе бидат здрави пред се, а потоа и способни да се стават во функција на тимот. Во моментов ми е најважно здравјето на фудбалерите. Не можеме да зборуваме за натпреварувачка форма, тимот го градиме веќе три години и не сме во позиција да го менуваме секој собир. Тие фудбалери кои се повикани се најдобри во моментот, без разлика за формата. Секогаш се тука за Македонија и тоа е најважно“.
Во овој циклус Македонија ќе гостува кај Летонија на 10.октомви и кај Ерменија три дена подоцна.
„Нè очекуваат уште четири меча, секој од нив е подеднакво важен. Сега играме на гости со Летонија и Ерменија. Ме радува фактот и се надевам така ќе остане, дека сè зависи од нас. Македонија се прашува за изгледот на табелата во оваа Лига на нации. Ќе бидеме задоволни ако и по овој собир бидеме на првото место, каде што сме сега“.
По првите две кола Македонија е водечка во групата со четири бода пред Ерменија и Летонија кои имаат по три.
Спорт
Максимовиќ воодушеви против Интер – влезе во историјата на Црвена звезда
Црвена звезда доживеа тежок пораз во Милано од Интер (4:0), во второто коло во Лигата на шампионите. Светла точка беше Андрија Максимовиќ, кој ги воодушеви италијанските новинари. Според водечките италијански медиуми, тој бил најдобриот играч на српскиот шампион.
Андрија Максимовиќ е роден во 2007 година, синоќа дебитираше во Лигата на шампионите. Со 17 години, три месеци и 26 дена стана најмладиот српски играч кој дебитирал во Лигата на шампионите.
Исто така тој е четвртиот најмлад фудбалер во тековната сезона во Лигата на шампионите.
Помлади од него се само Ајуб Буади од Лил со 16 години, 11 месеци и 15 дена и фудбалерите на Барселона Ламин Јамал со 17 години, два месеци и шест дена и Андрес Куенка со 17 години, три месеци и 20 дена.
Максимовиќ минатата недела го продолжи договорот со Црвена звезда до 2027 година.
Спорт
Правосудството одобри телото на Марадона да биде префрлено во мавзолејот
Аргентинското правосудство го одобри префрлањето на посмртните останки на Диего Марадона, кој почина во 2020 година, во идниот мавзолеј, на барање на неговите деца, кои сакаат да им олеснат на сите оние кои ќе сакаат да му одадат почит на „Идолот на Аргентина“.
Одлуката доаѓа во пресрет на почетокот на судењето на медицинска сестра, член на медицинскиот тим на Марадона, во врска со причините за неговата смрт и евентуалното лекарско невнимание.
Главниот претрес се води против седум лекари: неврохирург, општ лекар, лекар на клиника, психијатар, клинички психолог и главната сестра на медицинскиот персонал. Тоа судење, по неколку одложувања, ќе започне во март 2025 година.
Медицинската сестра Жизела Мадрид, која уште од самиот почеток изјави дека само ги следела упатствата на лекарот, доби можност да и се суди одделно.
Децата на Марадона сакаат посмртните останки на аргентинската фудбалска икона, која почива на приватни гробишта во Бела Виста, предградие на Буенос Аирес, да бидат преместени во централниот кварт и античкото пристаниште Мадеро.
На локацијата ќе има мавзолеј „Меморијал М10“ за „аргентинскиот народ и граѓаните на светот да можат да му оддадат почит на оној кој беше најголемиот идол на Аргентина“, велат децата на Марадона.
Објектот треба да биде готов во 2025 година, а засега не се познати други детали.
Марадона почина на 60-годишна возраст од кардио-респираторни проблеми на 25 ноември 2020 година. Почина во болницата каде се опоравуваше по неврохируршка процедура поради хематом во главата.
Судството тогаш соопшти дека се работи за „убиство од небрежност“, што е квалификација за невнимание на лице кое не било свесно дека може да дојде до смрт. За вакво дело е предвидена казна затвор од осум до 25 години.