Спорт
Инсиње има најголема плата во МЛС
Американската професионална фудбалска лига, МЛС, ги објави платите на играчите во тековната сезона.
Платите се објавени во две категории: првата е основата, а втората е загарантирана заработка. Ова вклучува, на пример, бонуси за потпишување, маркетинг активности и слично. Тука не се вклучени премиите за бројот на натпревари, победи или голови, бидејќи тоа не може да се пресмета однапред.
Најголема плата преку барата има поранешниот играч на Наполи и репрезентацијата на Италија, Лоренцо Инсиње.
Со преселбата од Неапол во Торонто си обезбеди плата од 14.000.000 долари по сезона. Во неговиот случај, кој е редок пример меѓу најплатените, се работи за чиста плата без дополнителни бонуси.
Далеку зад него е Џердан Шаќири со загарантирана заработка од 8.153.000 долари во Чикаго, додека на третото место е Хавиер Чичарито Хернандез со 7.443.750 долари во Лос Анџелес.
На листата следни се: Федерико Бернардески, Даглас Коста, сега веќе пензионираниот Гонзало Игуаин, па Хектор Ерера, Алехандро Позуело… Кристијан Бентеке е на 11.то место, Герет Бејл е на 23. место. Велшанецот во Лос Анџелес има годишна плата од 2.386.667 долари.
Топ 10:
Лоренцо Инсиње (Торонто) 14.000.000 долари
Џердан Шаќири (Чикаго) 8.153.000
Хавиер Чичарито Хернандез (ЛА Галакси) 7.443.750
Федерико Бернардески (Торонто) 6.256.322
Даглас Коста (ЛА Галакси) 5.800.000
Гонзало Игуаин (Мајами) 5.793.750
Хектор Херера (Хјустон) 5.246.875
Алехандро Позуело (Мајами) 4.693.000
Луиз Араухо (Атланта) 4.480.333
Џози Алтидор (Нова Англија) 4.264.963
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.