Европа
Сунак стана премиер и пет британски министри поднесоа оставки
Во британската влада пет министри ги напуштија своите позиции откако Риши Сунак стана премиер, јавува Би-би-си.
Поранешниот министер за правда, Брендон Луис, поднесе оставка велејќи дека „новиот премиер ќе ја има мојата поддршка од заднина во соочувањето со многу предизвици како партија и како земја“.
Министерот за бизнис и енергија, Џејкоб Рис-Мог, исто така се повлекува, како и министерот за образование, Кит Малтхаус.
Клои Смит повеќе нема да биде министерка за работа и пензии, а Ранил Џајавардена поднесе оставка од функцијата министер за животна средина.
Џереми Хант (55) ќе остане на функцијата министер за финансии по назначувањето од Лиз Трас во средината на овој месец со цел да се смири финансиската бура предизвикана од нејзината економска програма.
Искусниот политичар, кој поминал низ министерствата за здравство и за надворешни работи, ги укина речиси сите даночни намалувања што ги донесе владата на Лиз Трас по неговото назначување и предупреди дека доаѓаат тешки мерки поттикнувајќи ги стравувањата од враќање на штедењето.
Новите буџетски мерки треба да бидат објавени на 31 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.