Спорт
Заврши казната за Роналдо, Варан го чека подолга пауза
![](https://makfax.com.mk/wp-content/uploads/2022/10/FgACWSqUAAYbzC3.jpg)
Ерик Тен Хаг потврди дека Кристијано Роналдо ќе се врати во составот на Манчестер јунајтед на мечот од Лига Европа против Шериф Тираспол и во исто време посочи дека Рафаел Варан ќе биде надвор од тимот до крајот на Светското првенство.
37-годишниот Роналдо беше казнет со исклучување од тимот кога одби да влезе во игра при 2:0 победата над Тотенхем минатата среда и пред крајот на мечот си замина од стадионот, но во вторникот им се врати на тренинзите и Тен Хаг потврди дека ќе биде во тимот за дуелот против Шериф.
„Да, Кристијано ќе биде во тимот утре. Не беше тежок период, мислам дека веќе одговоривме на сите прашања. Беше надвор од тимот еден натпревар, но сега повторно е во тимот. Не мора да ме прашувате повеќе за тоа бидејќи нема да одговарам. Мислам дека мината недела доволно кажавме и сега имаме важен меч за да го освоиме првото место на табелата“, вели Тен Хаг.
„Ѓаволите“ ќе обезбедат математички пласман ако избегнат пораз од повеќе од еден гол разлика од Шериф, но главната цел ќе биде преземање на првото место од Реал Сосиедад следната недела со дуел во Шпанија. Тоа ќе биде еден од шесте меча во кои Тен Хаг нема да може да смета на Рафаел Варан пред паузата од Светското првенство по повредата на коленото.
„Тој сигурно ќе биде во аут до Светското првенство. Дали може да игра во Катар? Ќе треба да ја почекаме прогнозата и да видиме како ќе се одвива ситуацијата“, вели Тен Хаг.
Ова ќе биде шанса капитенот Хери Мегваер да се врати во првиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва