Спорт
Мурињо: На вештачки терен не се игра фудбал, тоа е друг спорт
Жозе Мурињо ги предупреди своите играчи дека гостувањето кај ХЈК Хелсинки ќе биде сличен предизвик како мечевите со Бодо/Глимт минатата сезона бидејќи „да се игра на вештачки терен, тоа не е фудбал, туку некој друг спорт“.
Мечот од Лига Европа се игра утре во Хелсинки откако Рома на „Олимпико“ победи со 3:0. На „волчицата“ ѝ е неопходна победа бидејќи е на третото место на табелата со 4 поени зад Лудогорец со 7 и Реал Бетис со 10. Во последното коло Рома игра со бугарскиот шампион Лудогорец, кој ги шокира во првиот меч. Лани Рома загуби со 6:1 од норвешкиот Бодо/Глимт на вештачки терен.
„Ни треба победа и нема да биде лесно. Не дојдовме во Финска на одмор. Им честитав во Рим и им порачав дека имаат организиран тим. Порано во овој дел од светот имаше само добри индивидуалци, а сега има силни тимови. Условите се тие што се и мораме да играме. Уште тврдам дека играњето на вештачки терен не е фудбал. Тоа е сосема поинаков спорт, така што оние што се навикнати имаат предност. Лани двапати игравме на вештачки терен и двапати загубивме, еднаш со рекорден резултат. Ја видовте вистината кога го уништивме Бодо/Глимт на ‘Олимпико’. Утре нема да имаме таква можност – ако загубиме, тогаш сме во аут“, вели Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кирјос: Останаа само уште неколку поглавја
Австралискиот тенисер Ник Кирјос наскоро би можел да ја заврши професионалната кариера, барем ако може да се верува на неговата објава на социјалните мрежи.
Кирјиос објави црно-бела слика од себе покрај неколку фотографии со Рафаел Надал, Новак Ѓоковиќ и Венус Вилијамс со интересен опис.
„Тенис… Проклетство. Беше ова лудо патување!!! Се започна поради тебе. Засекогаш благодарен. Ги сакам сите мои навивачи. Остнаа уште неколку поглавја..“, напиша Кирјос.
Истиот ден Австралиецот објави дека планира да игра на Австралија опен во јануари 2025 година, а многумина протолкуваа дека кариерата ќе ја заврши по турнирот во Мелбурн.
Беше најавено и дека 29-годишниот најверојатно ќе одигра неколку турнири пред Грен слемот во својата татковина, за да биде максимално подготвен за Австралија опен.
Најдобриот пласман во кариерата Кирјиос го забележа во 2016 година кога го држеше 13. место на АТП листата. Вкупно освои седум титули, но се верува дека не го искористил целиот талент што го поседува.
Спорт
„Граѓаните“ поставија рекорд во Лигата на шампионите
Манчестер сити го совлада Слован со 4:0 во Братислава во натпреварот од 2.коло од Лигата на шампионите. Тоа беше прва победа на избраниците на Пеп Гвардиола оваа сезона во најсилното европско фудбалско натпреварување, откако во првото коло одиграа 0:0 против Интер.
Избраниците на Пеп Гвардиола со триумфот на стадионот во престолнината на Словачка ја продолжија рекордната серија.
Сити ја подобри својата серија без пораз во натпреварите во Лигата на шампионите на 25. Серијата беше изградена на 17 победи и осум нерешени со што клубот го израмни рекордот од Купот на шампионите/Лигата на шампионите поставен од Манчестер јунајтед под водство на Сер Алекс Фергусон. Серијата на Јунајтед траеше од септември 2007 до мај 2009 година.
Последниот тим кој го победи Сити во 90 минути беше Реал Мадрид во полуфиналето на натпреварувањето во сезоната 2021/22. Шпанскиот тим тогаш славеше со 3:1.
Најдолги серии без пораз во натпреварите од Купот на шампионите/Лигата на шампионите:
25 натпревари – Манчестер сити (6 септември 2022 година – во тек)
25 натпревари – Манчестер јунајтед (19 септември 2007 – 5 мај 2009 година)
20 натпревари – Ајакс (2 октомври 1985 – 20 март 1996 година)
19 натпревари – Баерн (18 септември 2019 – 17 март 2021 година)
19 натпревари – Баерн (14 март 2001 – 2 април 2002 година)
17 натпревари – Црвена Звезда (07.09.1988 – 6.11.1991)..
Спорт
Роналдо: Повеќе не ме интересираат личните рекорди
Фудбалерот на Ал Наср, Кристијано Роналдо, кој го постигна 904. гол на натпреварот против Ал Рајан, изјави дека повеќе не го интересираат личните рекорди, објави францускиот спортски весник „Лекип“.
Роналдо во понеделникот вечерта постигна еден од двата гола против Ал Рајан во Лигата на шампионите на АФЦ.
Португалскиот фудбалер, петкратен добитник на Златната топка, изјави дека сега само сака да биде совршен соиграч.
„Веќе не бркам индивидуални рекорди. Добро е играчот да постигнува голови, но најважно ми е денес да уживам во играта и да му помогнам на Ал Наср и моите соиграчи да победат“, изјави 39-годишниот Роналдо. .